Tesla óziniń adam tárizdes gýmanoıdty robotynyń jańa býyny "Optimus Gen 2"-di tanystyrdy, dep habarlaıdy "Adyrna" tilshisi.
Optimus Gen 2 dep atalatyn robot adam ómirine qaýipti tapsyrmalardy oryndaı alady.
Jańa prototıp burynǵy nusqasyna qaraǵanda 30%-ǵa jyldamyraq júre alady. Onyń salmaǵy 10 kg-ǵa jeńildegen.
Optimus Gen 2 qoldarymen erkin qımyldap, tipti áýenge bıleı alatyny kórsetilgen.
Robottyń basty artyqshylyǵy - onyń saýsaqtary. Ol saýsaqtary arqyly tipti jumyrtqa syndy eń kishkentaı ári názik zattardy da syndyrmaı ustaı alady.
Osydan keıin Tesla gýmanoıdty robottardy oqytý úshin arnaıy qyzmetkerlerdi jaldamaq.