Qostanaıda tandyr ónimderi daıyndalatyn jerde gaz ballony jaryldy. Jalyn shamamen 20 sharshy metr aýmaqty sharpydy, dep habarlaıdy «Adyrna» tilshisi.
Tótenshe oqıǵa saǵat 18:49-da
Rabochaıa kóshesinde bolǵan.
«Gaz jarylǵanǵa deıin dúńgirshekte eki adam – er adam men áıel bolǵan. Eki qyzmetker de Ózbekstan azamattary. Órt saǵat 19:16-da oqshaýlanyp, 19:40-ta sóndirildi»,—dep túsindirdi Tótenshe jaǵdaılar departamenti.
Qostanaı oblystyq TJD basshysy Qaırat Qasymnyń aıtýynsha, mekemede
qaýipsizdik sharalary óreskel buzylǵan.
«Er adam men áıel tandyr peshin jaqqan. Sodan keıin olar sýyq garajdan alty gaz ballonyn ákelip, peshke súıep qoıǵan. Alǵashqy gaz bollany jarylǵanda áıel jeńil kúıik alǵan. Al er adam ony ıterip shyǵaryp, ózi bólmede qalyp qoıǵan. Órtti sóndirý kezinde taǵy ekeýi jarylǵan. Áıel qalalyq aýrýhanaǵa jetkizildi. Jaqyn jerde ornalasqan ǵımarattar búlingen joq, órtsóndirýshiler de zardap shekken joq»,—dedi ol.
