Bir top májilis depýtattary "Adal tulǵa" syılyǵymen marapattaldy, dep habarlaıdy "Adyrna" tilshisi newsroom.kz portalyna silteme jasap.
Sybaılas jemqorlyqqa qarsy halyqaralyq kúres kúni birqatar depýtat lX Ulttyq syılyǵy "Adal tulǵa" medalimen marapattaldy.
"Adal tulǵa" ataǵyn alǵandar - Ermurat Bapı, Erlan Saırov, Baqytjan Bazarbek, Qazybek Isa, Rınat Zaıytov jáne Maqsat Tolyqbaı.
Bul týraly depýtat Maqsat Tolyqbaı áleýmettik jelidegi paraqshasynda jazdy.
"9 jeltoqsan - halyqaralyq sybaılas jemqorlyqqa qarsy kúni — IH ULTTYQ syılyǵy. "Adal tulǵa" medalimen marapattalǵan áriptesterim Ermurat Bapı, Erlan Saırov, Baqytjan Bazarbek, Qazybek Isa, Rınat Zaıytovty quttyqtaımyn", - dep jazdy depýtat.
"Adal tulǵa" medaliniń ıegeri Rınat Zaıytov ortalyqqa alǵysyn bildirip, áriptesterin de quttyqtady.
"Qoǵamda jemqorlyqqa qarsy mádenıetti qalyptastyrýǵa qosqan úlesi men aqparattyq jumysy úshin " degen marapatqa laıyq dep tanypty. Sybaılas jemqorlyqqa qarsy birinshi medıa ortalyǵyna alǵys bildiremin. Marapattalǵan áriptesterim: Ermurat Bapı, Qazybek Isa, Marat Bashımov, Baqytjan Bazarbek, Maqsat Tolyqbaıdy shyn kóńilden quttyqtaımyn. Sybaılas jemqorlyqpen kúresimiz endi ǵana bastalýda. Alda talaı jumys, talaı synaq bar. Muratymyzǵa jetýdi buıyrsyn!", - dep jazdy Rınat Zaıytov jelidegi paraqshasynda.
