Kökşetau qalasynyŋ kei audandarynda tūrǧyndar jylu jüiesınıŋ joqtyǧyna narazy, dep habarlaidy "Adyrna" tılşısı Massager.kz-ke sıltep.
Kökşetaulyq tūrǧyndar jylusyz otyrǧanyna şaǧymdandy. Olar qaqaǧan qys jaqyndaǧanda üidegı batareialardyŋ jylymaitynyn, bölme temperaturasy bar bolǧany 19 gradusty körsetının aitady.
"Qala äkımdıgıne jäne "Kökşetau Jylu" kommunaldyq käsıpornyna da şaǧymdandyq. "Jailau" şaǧyn audanyndaǧy üiler öte suyq. Batereialar sap-salqyn. Al ıs jüzınde qol tigızbeitındei ystyq boluy kerek qoi. Bölme temperaturasy 19 gradustan aspaidy. Būl degenıŋız sūmdyq qoi. Äsırese taŋerteŋ üidıŋ ışı mülde suyp ketedı. Tıptı üide emes, garajda oianǧandai bolasyŋ. "Kökşetau Jylu" kommunaldyq käsıpornyna tiıstı şara qabyldap, maman jıberudı jäne şyn mänınde bärıne köz jetkızudı sūradyq. Bıraq eşkım bızdıŋ janaiqaiymyzǧa nazar da audarmady. Körşı üilerdıŋ bärınde de osyndai jaǧdai", - deidı "Jailau" şaǧyn audanynyŋ tūrǧyndary.Alaida atalmyş käsıporyn tūrǧyndar tarapynan eşqandai şaǧymnyŋ tüspegenın alǧa tartady.
"Käsıporynnyŋ dispetcherlık qyzmetıne atalǧan mekenjai boiynşa eşqandai şaǧym tüsken joq. Jylu inspeksiiasy qyzmetkerlerı atalǧan mekenjailarǧa inspeksiialyq şyǧu ūiymdastyrylyp, tiıstı şaralar jürgızıletın bolady", - dedı "Kökşetau Jylu" kommunaldyq käsıpornynyŋ baspasöz qyzmetı.
Ūqsas jaŋalyqtar
