Tarıhshy Ámirjan Álpeıisovtyń Murat Áýezovtyń ómiri men eńbek jolyna arnalǵan «Murat» roman-essesi jaryq kórdi, dep jazady Kazinform. Bul týraly «Adyrna» ulttyq portaly habarlaıdy.
«Men Murat Áýezov sııaqty qazaqtyń táýelsizdigi úshin sonaý keńes zamanynyń ózinde úgit-nasıhat jasap, «Saryarqa» degen uıymnyń múshesi bolǵan edim. Sondyqtan Murat Áýezov bizdiń kósemimiz, jol bastaýshymyz sııaqty. Biz «Jas tulpardyń» qanatynyń astynan shyqqan jas stýdenttik uıymdar boldyq. Sol jas uıymdardyń múshesi bolyp, 70-jyldardan baılanys ornattyq», — deıdi avtor Ámirjan Álpeıisov.
Keshe L. N. Gýmılev atyndaǵy Eýrazııa ulttyq ýnıversıtetinde kitaptyń tusaýkeseri ótti. Shyǵarmada Murat Áýezovtyń ómirbaıany men eńbek joly baıandalǵan. Sondaı-aq «Jas tulpar» uıymyn qurǵany jaıly tolyq málimet berilgen.
Avtor — Murat Áýezovtyń rýhtas-úzeńgiles inisi.
Kópshilik oqyrmanǵa arnalǵan «Murat» roman-essesi Murat Áýezovtyń memleket qaıratkeri retinde tulǵasyn ashyp, jastarǵa otansúıgish qasıettiń qandaı bolatynyn kórsete bilgen.
«Adyrna» ulttyq portaly
