Mal etin túsińde kóresiń, Qazaq!

2203
Adyrna.kz Telegram

Aýyldy jerlerden jetken habarda, qoı eti qymbattapty. Bir kezderi, 900/1000 teńgege ótpeıtin ettiń 1kg qazir, 1500 teńge.
Birinshi sebep, Ózbekstanda mal sharýashylyǵyna sýbsıdııa berile bastaǵany bolsa ekinshisi, Arapdardyń usaq maldy satyp alyp áketip jatqandyǵynan.
Úshinshi sebep, Qytaı eline ketip jatqan et, jún,teri eksporty kesiri. 
Aý, aǵaıyndar!
Budan eńbek adamy baıyp jatqan joq. Paıdasyn kórip jatqan kóp deldaldar.
Memleket tarapynan ár aýylǵa, aýdanǵa, mal shyǵarylymyna lımıt qoımasa, etti tústerińde kóretin bolasyńdar! Mal basy azaıǵan saıyn bolatyn defeıt, baǵany sharyqtatyp jiberedi. Bazardaǵy etti, arap pen qytaı qoıǵan baǵamen alyp jeı almassyńdar. Keshe ǵana aýyldaǵy dosyma bir deldal habarlasyp, 20 000 qoı 45 000 teńgeden jınap ber dep habarlasypty. Bul bir aq adamǵa túsken tapsyrys.

Ekinshi másele, óz memleketimiz tarapynan mal basyn kóbeıtýge, halyqtyń qarajaty esebinen berilip jatqan sýbsıdııa rahatyn, nege qazaqstandyqtar kórmeýi kerek? Sýbsıdııany arap pen qytaılarǵa mal ósirip berý úshin berilgen joqqoı?!
Aýyl halqy mal baǵyp qana kúnderin kórýde. Aldyndaǵy az malyn satyp áketse, olar nemen aınalysady? Qalalarǵa baryp, jumyssyzdar sanyn kóbeıtpeıme?
Osyndaı strategııalyq mańyzdy sharýalarmen úkimet nege aınalyspaıdy? Ne masqara mynaý?
Aýyl sharýashylyǵy mınıstirligi osyny nege qadaǵalamaıdy?
Prezıdenttikke úmitkerler nege dabyl kótermeıdi?

Sizder mynany bilińizder!
Úkimetke mal basy, alynǵan tól, shabylǵan shóp, salynǵan egin, t b s s berilip otyrǵan statıstıka jalǵan!
Olar aýyl,aýdan ákimderi berip otyrǵan, oıdan shyǵarylǵan sanaq nátıjesine «toıyp» otyr. Senbeseńder,tekserińder!
Azyq-túlik qaýypsizdigi qaıda?
Sanaq júrgizý kerek!
Satylatyn malǵa lımıt-shekteý qoıylsyn.
Mal bordaqylaýǵa sýbsıdııa alyp otyrǵan sharýashylyqtar óz ónimderin et bazarynda emes, dúkender arqyly, úkimet belgilegen qoljetimdi baǵaǵa saýdalaýy kerek! Sonda ǵana halyqtyń aýzyna jetedi. Rahatyn kóretin bolady.

Tortýyl Shoqan

Pikirler