Auyldy jerlerden jetken habarda, qoi etı qymbattapty. Bır kezderı, 900/1000 teŋgege ötpeitın ettıŋ 1kg qazır, 1500 teŋge.
Bırınşı sebep, Özbekstanda mal şaruaşylyǧyna subsidiia berıle bastaǧany bolsa ekınşısı, Arapdardyŋ ūsaq maldy satyp alyp äketıp jatqandyǧynan.
Üşınşı sebep, Qytai elıne ketıp jatqan et, jün,terı eksporty kesırı.
Au, aǧaiyndar!
Būdan eŋbek adamy baiyp jatqan joq. Paidasyn körıp jatqan köp deldaldar.
Memleket tarapynan är auylǧa, audanǧa, mal şyǧarylymyna limit qoimasa, ettı tüsterıŋde köretın bolasyŋdar! Mal basy azaiǧan saiyn bolatyn defesit, baǧany şaryqtatyp jıberedı. Bazardaǧy ettı, arap pen qytai qoiǧan baǧamen alyp jei almassyŋdar. Keşe ǧana auyldaǧy dosyma bır deldal habarlasyp, 20 000 qoi 45 000 teŋgeden jinap ber dep habarlasypty. Būl bır aq adamǧa tüsken tapsyrys.
Ekınşı mäsele, öz memleketımız tarapynan mal basyn köbeituge, halyqtyŋ qarajaty esebınen berılıp jatqan subsidiia rahatyn, nege qazaqstandyqtar körmeuı kerek? Subsidiiany arap pen qytailarǧa mal ösırıp beru üşın berılgen joqqoi?!
Auyl halqy mal baǧyp qana künderın körude. Aldyndaǧy az malyn satyp äketse, olar nemen ainalysady? Qalalarǧa baryp, jūmyssyzdar sanyn köbeitpeime?
Osyndai strategiialyq maŋyzdy şarualarmen ükımet nege ainalyspaidy? Ne masqara mynau?
Auyl şaruaşylyǧy ministırlıgı osyny nege qadaǧalamaidy?
Prezidenttıkke ümıtkerler nege dabyl kötermeidı?
Sızder mynany bılıŋızder!
Ükımetke mal basy, alynǧan töl, şabylǧan şöp, salynǧan egın, t b s s berılıp otyrǧan statistika jalǧan!
Olar auyl,audan äkımderı berıp otyrǧan, oidan şyǧarylǧan sanaq nätijesıne «toiyp» otyr. Senbeseŋder,tekserıŋder!
Azyq-tülık qauypsızdıgı qaida?
Sanaq jürgızu kerek!
Satylatyn malǧa limit-şekteu qoiylsyn.
Mal bordaqylauǧa subsidiia alyp otyrǧan şaruaşylyqtar öz önımderın et bazarynda emes, dükender arqyly, ükımet belgılegen qoljetımdı baǧaǧa saudalauy kerek! Sonda ǧana halyqtyŋ auzyna jetedı. Rahatyn köretın bolady.
Tortuyl Şoqan
