Jetisý oblysy qurylǵannan beri 23 jańa kásiporyn iske qosylyp, jumys istep turǵan 5-i keńeıtilgen, 759 jańa jumys oryndary ashylǵan. Al bıyl quny 39 mlrd. teńge bolatyn 12 kásiporyn iske qosylyp, 500-den astam jumys orny ashylady. Bul jaıly búgin jýrnalısterge Jetisý oblysynyń ákimi Beıbit Isabaev Astana qalasynda ótken brıfıngide aıtyp berdi, - dep habarlaıdy Jetisý oblysy ákiminiń baspasóz qyzmeti.
Baıandamashynyń aıtýynsha, óńirde ónerkásip óndirisi kólemindegi óńdeý sektorynyń úlesi 80%-ǵa jetken. Oblysta negizginen ashytqy (ýyt), elektrli akkýmýlıatorlar, joǵary voltty elektr taratý jelilerine arnalǵan temir betondy jáne metall tirekter óndiriledi. Bıyl 12 jańa kásiporyn paıdalanýǵa beriledi. Sonyń irileri – keramıkalyq plıtalar shyǵaratyn «Almaz Keramıks» kásiporny, kún panelderin shyǵaratyn «Maıamı Solar» kásiporny jáne «EcoWattAKA» kompanııasynyń jel elektr stansysy.
Al «Qorǵas – Shyǵys qaqpasy» arnaıy ekonomıkalyq aımaǵy men «Qorǵas» HShYO – oblystaǵy damý núktesiniń biri. Munda qazir 2030 jylǵa deıin jalpy ınvestıııa kólemi 622 mlrd.teńge bolatyn 52 jobany iske asyrý josparlanýda.
- Taý-ken salasyn damytý sheńberinde quny 1,3 trln. teńge bolatyn, 2 myńnan astam jumys ornyn ashatyn metallýrgııa kombınatynyń qurylysy júrgizile bastaǵan. Onyń qýaty jylyna 860 myń mys konentratyn óndirýge jetedi. Qazirgi kezde qural-jabdyqtar men taýarlardy saqtaıtyn qoımalar men basqa da tehnıkalyq ǵımarattar salynyp bitti. Kombınattyń qurylysy 2025 jyly bastalyp, 2027 jyly aıaqtalady dep josparlanǵan, - dedi spıker.
Jalpy oblystyń 2030 jylǵa deıingi ınvestıııalyq portfeline quny 2,2 trln. teńge bolatyn, 9 myńnan astam jumys ornyn quratyn 184 joba engizilgen.
Jetisý oblysy ákiminiń baspasóz qyzmeti
