Memleket basshysynyń tapsyrmasyna sáıkes premer-mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda oryn alǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy, dep habarlaıdy «Adyrna» ulttyq portaly.
Komıssııanyń quramyna premer-mınıstrdiń birinshi orynbasary Roman Sklıar, Tótenshe jaǵdaılar mınıstri Syrym Sháriphanov, Ishki ister mınıstri Erjan Sádenov, Densaýlyq saqtaý mınıstri Ajar Ǵınııat, Eńbek jáne halyqty áleýmettik qorǵaý mınıstri Svetlana Jaqypova, Ónerkásip jáne qurylys mınıstri Qanat Sharlapaev, quqyq qorǵaý organdarynyń, Qaraǵandy oblysy ákimdiginiń, eńbek ınspekııasynyń, «Qorǵaý» kómir óndirýshiler kásipodaǵynyń ókilderi jáne t.b. kirdi.
Shahtadaǵy órttiń saldarynan toptyq jazataıym jaǵdaıdyń sebepterine jan-jaqty tergeý júrgiziletin bolady. Sonymen qatar keltirilgen zalaldy baǵalaý, zardap shekkenderge jáne qaza tapqandardyń otbasylaryna alǵashqy kómek kórsetý jóninde sharalar qabyldanady.
Úkimet «ArselorMıttal Temirtaý» AQ akıonerlerimen aldyn ala ýaǵdalastyqqa qol jetkizgenin jáne kásiporynnyń menshik quqyǵyn Qazaqstan Respýblıkasynyń paıdasyna berý týraly kelisimshartty rásimdeý aıaqtalý ústinde ekendigin habarlaımyz, – delingen Úkimet baspasóz qyzmetiniń habarlamasynda.
«Adyrna» ulttyq portaly
