Resei prezidentı Vladimir Putin reseilıkterden özı bastaǧan Ukrainaǧa qarsy äskeri agressiianyŋ tabysty boluy üşın eŋbek etudı talap ettı, dep habarlaidy «Adyrna» tılşısı.
Ol būl soǧysty taǧy da 1941–1945 jyldardaǧy KSRO-nyŋ gitlerlık Germaniiaǧa qarsy qorǧanys soǧysymen salystyrdy.
«Ūly Otan soǧysy kezınde bükıl tyl, maidan üşın, sarbazdarymyz üşın, qorǧauşylarymyz üşın jūmys ıstedı. Tek tank, ūşaq, zeŋbırek pen snariadtar ǧana jasalǧan joq», — dedı Putin 21 säuır künı Mäskeude ötken «Kışı Otan — Reseidıŋ küşı» forumynda.
Onyŋ aituynşa, äielder şūlyq toqyp, maidanǧa sälemdemeler men syilyqtar jıbergen
«Jeŋıs däl osy bırlık arqyly keldı. Qazır de solai bolady», — dep qosty Resei prezidentı.
Aita keteiık, jyl ötken saiyn soǧystyŋ jalǧasuyn qalaityn reseilıkterdıŋ sany azaiyp barady. «Levada-ortalyǧynyŋ» mälımetınşe, Resei Ukrainaǧa qarsy besınşı jyl jürgızıp otyrǧan auqymdy soǧys jaǧdaiynda kelıssözderdı qoldaityn reseilıkter sany rekordtyq deŋgeige jetken. Aqpanda jürgızılgen reprezentativtı saualnamaǧa qatysqandardyŋ 67%-y beibıt kelıssözderdı bastau qajet dep sanaidy. Sonymen bırge äskeri äreketterdı jalǧastyrudy qoldaityndardyŋ ülesı azaiyp, baqylau jürgızılgen uaqyttaǧy eŋ tömengı deŋgeige — 24%-ǧa deiın tüsken.
