Pavlodar oblysynda tıl mäselesı küiıp tūr! Onomastika salasynda da şeşılmegen problemalar az emes. Osy oraida respublikalyq BAQ-ta oblys äkımı Bolat Baqauov bırneşe märte ötkır synnyŋ nysanasyna ainaldy. Sondai şaqtarda osy joldardyŋ avtory jäne özge tıl janaşyrlary Ertıstıŋ Kereku öŋırı jūrtşylyǧynyŋ abyroiyn, äkımnıŋ ar-namysyn mümkındıgınşe qorǧap baqty! Al oblys tılderdı damytu jönındegı basqarmasynyŋ basşysy Säule Osmanova bolsa, tıl mäselesıne qatysy joq şeneunıkterdıŋ bırı sekıldı jaǧdaidy syrttan baqylap ünsız otyrdy.
2018 jyldyŋ 19 nauryzynda «Qazaq tılı» qoǧamy oblystyq ūiymynyŋ basqarmasy müşelerı Bolat Baqauovtyŋ atyna hat jazyp, Säule Osmanovanyŋ käsıbi bılıktılıgı tiıstı deŋgeide emes ekendıgı, sonyŋ saldarynan tıl salasynda olqylyqtar oryn alyp oblystyŋ bedelıne nūsqan keltıretın syni materialdardyŋ üstı-üstıne jariialanǧany jäne basqarma basşysynyŋ tıl janaşyrlarymen yntymaqtasa jūmys ıstei almaityndyǧy jaiynda aitqan bolatyn. Qoǧamdyq ūiymnyŋ mörı basylyp, belsendılerınıŋ qoly qoiylǧan hatqa oblys äkımınıŋ orynbasary Meiram Begentaev «şyǧaryp salma» jauap qaitardy (2018 18 04).
Aimaq basşysy men ziialy qauym ökılderınıŋ kezdesuınde tıl janaşyrlary atynan söilegen osy joldardyŋ avtory älgı jauappen kelıspeitındıgın aityp, hat pen qūjattyŋ köşırmelerın Bolat Baqauovtyŋ qolyna ūstatqan edı. Sondai-aq Säule Osmanovanyŋ qoǧam belsendılerıne, tıl janaşyrlaryna jalǧan söileuge beiım ekendıgı, tıptı olardyŋ keŋestık kezeŋnen berı tıl maidanynyŋ küreskerlerı atanǧan, jasy ülken, bedeldı adamdar ekendıgıne qaramai ūrysa ketetındıgı jönınde onyŋ özı men özge basqarmalar basşylarynyŋ közınşe aityp salǧan-dy. «Säule Ǧabdyljaparqyzyn oblys prokuraturasynda jauapty qyzmette ısteitın bauyry men ūly qoldap jürgen joq pa?» degen kümandy oiyn da ziialy qauym aldynda jariia etken.
Sodan berı bırneşe ai öttı. Oblys tılderdı damytu jönındegı basqarmasynyŋ būrynǧy basşylary Talǧat Äbılqasymov, Qabjan Edılbaidyŋ tūsynda däl sol azamattardyŋ qamqorlyǧynyŋ nätijesınde ondaǧan jyldar boiy jaryq körıp kelgen «Qazaq tılı» qoǧamy oblystyq ūiymynyŋ «Ertıs didary» gazetınıŋ şyǧarylymy Säule Osmanovanyŋ tıl basylymyna degen terıs közqarasynyŋ saldarynan toqtady. Oblys äkımınıŋ orynbasary Meiram Begentaev özge qyzmetke auysty. Atalmyş basqarma oblys mädeniet, mūraǧattar jäne qūjattama basqarmasynyŋ bır bölımı bolyp qaita qūryluyna bailanysty bıraz bılıktı kadrlar qysqartuǧa ūşyrady. Esesıne Säule Osmanova bölım basşysy qyzmetın atqaryp jür.
Pavlodar oblysynyŋ äkımı Bolat Baqauov joǧaryda baiandalǧan jaidan tolyq habardar bola tūra, qoǧam belsendılerı men tıl janaşyrlaryna qandai da bır jauap qaitarudy jön körmedı. Endeşe, «Säule Osmanovany qoldap jürgen jürgen kım, Bolat Baqauovtyŋ özı me, älde basqalar ma?» degen saualdyŋ tuyndauy negızsız emes.
Arman QANİ, «Qazaq tılı» qoǧamy Pavlodar oblystyq ūiymynyŋ Basqarmasy müşesı, Qazaqstannyŋ eŋbek sıŋırgen qairatkerı, «Tıl janaşyry» Qūrmet belgısınıŋ iegerı.
