Armeniia ükımetınıŋ basşysy Nikolai Paşinian "Zvartnos" äuejaiyna jetıp, Mäskeuge attandy. Būl turaly narazylyq bıldıruşılerdıŋ bırı mälımdedı,dep habarlaidy «Adyrna» ūlttyq portaly Sputnik-Armeniia saityna sılteme jasap. "Eger premer-Ministr Mäskeude qandai da bır qūjattarǧa qol qoisa, Armeniianyŋ äue keŋıstıgı ol üşın jabylady" dep eskertu jasady narazy top.
Paşiniandy Msäkeudegı kezdesuge jıbermeimız degen narazy top bügın onyŋ jolyn japqan bolatyn. Äuejaiǧa baratyn joldy kes-kestegen armian oppozisionerlerı joldy aşpas būryn, Paşinianǧa ülken eskertu jasady. "Nikol Paşinian - zaŋsyz Köşbasşy, ol Armeniiany bıldırmeidı, al erteŋ ol qol qoiǧan qūjattar eşqandai zaŋdy küşke ie bolmaidy", - deidı narazylyq bıldıruşılerdıŋ belsendısı.
Osydan keiın oppozisionerler būl narazylyqty aiaqtap, Zvartnos äuejaiyna aparatyn joldy aşatynyn aitty.
Esterıŋızge sala keteiık, oppozisiia 11 qaŋtarda taŋerteŋ Armeniia ükımetınıŋ basşysyna Mäskeuge baruǧa mümkındık bermeu maqsatynda aksiia ūiymdastyrdy, onda ol Resei men Äzırbaijan Prezidentterı Vladimir Putin men İlham Älievtıŋ qatysuymen üşjaqty kelıssözder jürgızuge niettı.
Taraptar Qarabaq töŋıregındegı jaǧdaidy, sondai-aq tūtqyndardy qaitaru jäne kommunikasiialardy aşu mäselesın talqylaidy. Paşiniannyŋ qarsylastary kezdesude eldıŋ müddelerıne nūqsan keltıretın qūjatqa qol qoiylady dep sanaidy.
Paşiniannyŋ elıne qaita oraluy osy kezdesude qabyldanǧan kelısımşarttarǧa qol qoiuymen anyqtalatyn siiaqty. Öitkenı armian oppozisiiasy ony şyǧaryp salyp tūryp, qatty eskerttı: "Eger Paşinian elımızdıŋ atynan qandai da bır qūjatqa qol qoisa, äue joldary jabylady",- dedı. Paşinian "qaitpas saparǧa" ketkendei me, qalai? Ne bolsa da, älıptıŋ artyn baǧaiyq.
Ūqsas jaŋalyqtar
