Túrkistan oblysyndaǵy ement zaýytynda jarylys bolyp, bir adam qaza tapty. Taǵy eki jumysshy aýyr halde jansaqtaý bóliminde jatyr, dep jazady "Adyrna" saıty KTK arnasynyń jańalyqtaryna siltep.
Tótenshe oqıǵa óńirdegi Sastóbe ement zaýytynda 14-qarasha kúni bolǵan. ehtardyń birinde jarylys bolyp, arty alapat órtke ulasqan. Kásiporynda sol ýaqytta ondaǵan jumysshy bolǵan. Tilsiz jaýdan úsh adamdy kúıik shalyp, olar Saıram aýdany aýrýhanasyna jetkizilgen. Biraq denesin júz paıyz kúıik shalǵan 52 jastaǵy jumysshy kóp uzamaı kóz jumdy. Taǵy eki naýqas jansaqtaý bóliminde jatyr. Qaza tapqan azamat pen jaraqat alǵandar jergilikti turǵyndar.
Qazir ement zaýyty ýaqytsha jumysyn toqtatty. Al kásiporyn basshylary oqys oqıǵanyń mán-jaıyn ashyp aıta almady. Jansaqtaý bóliminde jatqan 58 jáne 34 jastaǵy jumysshylardyń jaǵdaıy óte aýyr deıdi dárigerler:
"Bireýinde 100 paıyz kúıik bar, ekinshisinde 70 paıyz. Jaǵdaıy óte aýyr. Ózimizdiń dárigerler, sonymen qatar Shymkent qalasynda ornalasqan kúıik ortalyǵynan kelgen reanımatolog dárigerlermen birge emdeý támsilderin qoldanyp jatyrmyz. Ázirge jaǵdaıy óte aýyr, eshteńe aıta almaımyz" dedi Saıram aýdany aýrýhanasynyń bas dárigeri Erǵalı Álimbaev.
