TOQAEVTY TAŃDAÝDYŃ TÓRT TIIMDILIGI nemese MERITOKRATIIaLYQ MÁDENIET

1827

 

Qadirli dostar!

Bárimiz bir sátke toqtaıyqshy! Toqtaıyq ta, aldaǵy toqtam týraly oılanaıyqshy! Durys tańdaý jasaýdan jańylmaıyqshy! Týra jolymyzdan adaspaıyqshy! Bolashaq Prezıdentimizdi elge sińirgen eńbegine, talantyna, minezine, bilim-bilikterine, qabilet-qarymdaryna baılanysty saılaǵanymyz jón dep sanaımyn. Ózderińiz jaqsy bilesizder, Qasym-Jomart Kemeluly Toqaev kóp sóılemeıtin, biraq ár qadamyn oılanyp, tolǵanyp baryp basatyn, ár sózin tarazylap baryp alǵa tartatyn NAǴYZ DIPLOMAT, ÁLEMDIK SAIaSATTYŃ BIRDEN-BIR SALMAQTY BILGIRI! Men sizderdiń nazarlaryńyzǵa Q.K.TOQAEVTY TAŃDAÝDYŃ TÓRT TÚRLI TIIMDILIGIN jetkizbekpin:

1-tıimdilik. Q.K.Toqaev – El Táýelsizdiginiń tuǵyrdan taımaýyna ózindik úles qosqan bilgili de bedeldi saıasatker, memleket qaıratkeri. El Táýelsizdigine shırek ǵasyr boıy eleýli eńbek sińirgen tarıhı tulǵa osy Táýelsizdik Týyn bıik jelbiretýge bar kúsh-jigerin, qajyr-qaıratyn salatyndyǵyna senim kámil. Al Táýelsizdigimizden aırylmaý – «kemedegi jany bir» bárimiz úshin tıimdi. Táýelsizdik – eń asyl eldik muratymyz.

2-tıimdilik. Q.K.Toqaev – bilimi men biligin, talanty men tapqyrlyǵyn álem saıasatkerleri moıyndaǵan birden-bir úmitker. Basqa úmitkerlerdiń arasynan bul tulǵanyń álemdik saıası arenadaǵy bedelimen ıyq teńestiretindeı jan tabylmaıdy. Qolyna kir juqpaǵan, abyroıyna daq túspegen birden-bir arda azamatty Elbasymyzdyń da usynýy – kemeńgerlik. Q.K.Toqaevtyń árqashan bylǵanyshtan boıyn aýlaq ustaǵan, artynan eshqandaı sóz ermegen salıqaly da dana tulǵa ekendigin bile tura, biz adasýǵa jol bermeýimiz kerek dep oılaımyn. Saıasatker úshin álem aldynda da abyroıly bolý – ońaı sharýa emes. Bundaı tulǵanyń tabylǵandyǵy – ortaq jeńisimiz.

3-tıimdilik. Q.K.Toqaevtyń taǵy bir artyqshylyǵy – óz eliniń tirshilik-tynysymen qatar, ózge elderdiń de mádenıeti men ádebıeti jetistikterin, saıası ahýaldaryn, ekonomıkalyq qyr-syrlaryn tereń ári jan-jaqty biletindiginde, ony bilip qana qoımaı, óz eliniń esebi úshin utymdy paıdalana alatyndyǵynda. Isker basshy – tıimdi.

4-tıimdilik. Q.K.Toqaev – merıtokratııalyq ustanymy berik, eshqandaı rýshyldyq, jershildik dertterimen aýyrmaǵan jan. Q.K.Toqaevtyń saılaýǵa túsýiniń ózi – merıtokratııanyń mereıli kórinisi. Laıyqty tulǵa bolashaqta Prezıdent bolyp saılanǵan jaǵdaıda da osy merıtokratııalyq ustanym turǵysynan oılanyp, sheshim qabyldaıtyndyǵy aqıqat. Merıtokratııalyq ádilettilik qaǵıdattaryna súıene otyryp, bárimiz birge Q.K.Toqaevty tańdasaq, biz de merıtokratııalyq mádenıettiń qoǵamda ornyǵýyna keń jol ashamyz. Merıtokratııa – bul sózdi túsinetinderge tıimdi.

Ýa, halaıyq, týra joldan, taımaıyq,
Qazaqstannyń gúli bolyp jaınaıyq.
Táýelsiz El Prezıdenti etip biz,
Qasym-Jomart Kemelulyn saılaıyq!

Ýa halaıyq, jaqsylyqty jalǵaıyq,
Adasýǵa, jańylýǵa barmaıyq.
Táýelsiz El Prezıdenti etip biz,
Qasym-Jomart Kemelulyn tańdaıyq!

Ýa, halaıyq, Tulǵamyzǵa seneıik,
Sol Tulǵanyń sońynan biz ereıik.
Qasym-Jomart Kemeluly – laıyqty,
Laıyqtyǵa daýsymyzdy bereıik!

Qurmetpen, Baltabek Nurǵalıev

Pikirler
Redakııa tańdaýy