Burynǵy Ulttyq ekonomıka mınıstri Bıshimbaev Qýandyq ustaldy. Aldyn ala málimet boıynsha, ol Dostyq kóshesi, 16-úıde ornalasqan «Baý» meıramhanasynda áıelin soqqyǵa jyqqan. Áıel alǵan jaraqattarynan oqıǵa ornynda kóz jumdy, dep habarlaıdy “Adyrna” ulttyq portaly Shyndyk.kz basylymyna siltep.
«Ustalǵan kezde Bıshimbaev ózin pyshaqtaımyn dep qorqytyp, óz-ózine qol jumsamaq bolǵan. Ol esirtkiniń áserinen bolǵan bolýy múmkin», deıdi tergeýdegi derekkózder.
Esterińizge sala keteıik, 19 qazanda Bıshimbaev shartty túrde merziminen buryn bosatylǵan bolatyn. Eks-mınıstr 2018 jyly naýryzda para alyp, 1 mıllıard teńge urlaǵany úshin 10 jylǵa sottalǵan.
Sot tórt aıdan astam ýaqytqa sozylǵan. Iske Bıshimbaevpen birge taǵy 22 adam qatysty: «Báıterek DEVELOPMENT» AQ-nyń burynǵy qyzmetkerleri, kásipkerler men qurylys kompanııalarynyń ókilderi.
Ol bir kezderi úkimettegi eń jas basshylardyń biri boldy. «Bolashaq» baǵdarlamasy boıynsha AQSh-ta bilim alǵan.
2016 jyldyń sońynda tuńǵysh prezıdent Nursultan Nazarbaev Bıshimbaev «Báıterek» holdıngin basqarǵan kezdegi qyzmetine qatysty mınıstr qyzmetinen bosatylǵanyn habarlady.
Qylmystyq izdestirý departamenti óz habarlamasynda Bıshimbaevtyń bas bostandyǵynan aıyrý kezindegi «oń minezdemesin» jáne «sot anyqtaǵan talapty óteýdi» atap ótti.
