İzrail Syrtqy ıster ministrlıgı Euraziia jäne Balqan mäselelerı jönındegı bas direktorynyŋ orynbasary Simona Galperin Gazada qalǧan 76 qazaqstandyqtyŋ aman-esen oraluy Mysyr bilıgı men HAMAS-tyŋ äreketıne bailanysty ekenın aitty, dep habarlaidy «Adyrna» ūlttyq portaly QazAqparatqa sılteme jasap.
«Gazada qalǧan qazaqstandyqtar da sondaǧy bırneşe myŋ şeteldık siiaqty jaǧdaida. Bız Qazaqstan tarapynan da özge türlı elder siiaqty sondaǧy azamattarynyŋ tızımın aldyq. İzrail tarapy olardyŋ Gazadan şyǧuyna eşqandai qarsylyǧymyz joq. Kerısınşe qoldaimyz, mümkın bolǧanşa Gazadan şyǧuyna küş salamyz. Problema qaida? Bırınşıden, Mysyr arqyly şyǧu kerek edı. Mysyrlyqtar şeteldıkterdıŋ Gazadan öz şekarasy arqyly şyǧuyna ötken aptada ǧana rūqsat bere bastady. Üş apta boiy ondaiǧa rūqsat bergen joq. Qazır rūqsat bergenımen, kün saiyn şyǧatyn adam sanyn şektep otyr. Är kün saiyn 500-600 adamnan aspai tūr. Gazada şamamen 7 myŋ şeteldık bolsa, kün saiyn 500 adam degende, bärınıŋ şyǧuy üşın 2 aptadai uaqyt keteuı mümkın. Ol jaqta kezek qalai qūrylyp, qalai şyǧarylyp jatqanyn bılmeimın. Bıraq bız bükıl tızımdı berdık», - dedı İzrail SIM ökılı Taiau Şyǧystaǧy auhal turaly brifingıde.Sondai-aq ol HAMAS-tyŋ şeteldıkterdı de tırı qalqan retınde ūstap otyrǧanyn aitty.
«Aldyŋǧy künı jäne keşe ne boldy? Būlkünderı HAMAS tūtqyndaǧylardyŋ şyǧuyna rūqsat bermedı. Özderıŋız bılesızder, ol jerde izraildıkter ǧana emes, palestindıkter de kepıldıkte otyr. Endı sondaǧy şeteldıkterdı jıbergısı kelmei otyr. Sondyqtan İzrail tarapynan şekteu nemese problema joq. Bızge äskeri operasiia jürıp jatqan Gazadan beibıt azamattar neǧūrlym köbırek şyǧyp, HAMAS qana qalǧany kerek», - dedı Simona Galperin.Syrtqy ıster ministrlıgınıŋ mälımetı boiynşa, Gaza sektorynda qazır Qazaqstannyŋ 76 azamaty bar.
«Bızdıŋ derekterımız boiynşa Gaza sektorynda Qazaqstan Respublikasynyŋ 76 azamaty bar. Otbasy müşelerımen qosa eseptegende olardyŋ sany – 161. Sonymen qatar şeteldık azamattardyŋ şyǧuyna bailanysty Mysyr jäne İzrail tarapynan belgılı talaptar bar. Olardyŋ üşten bırı evakuasiialauǧa kelmeidı. Olar kämeletke tolǧandar, erlı-zaiyptylar», - dedı ministrlıktıŋ resmi ökılı Aibek Smadiiarov ministrlıkte ötken baspasöz mäslihatynda.
«Adyrna» ūlttyq portaly
