Búgin Májilistiń jalpy otyrysynda «Qazaqstan Respýblıkasynyń Ulttyq qorynan 2024 – 2026 jyldarǵa arnalǵan kepildendirilgen transfert týraly» QR Zańynyń jobasy qaraldy, dep habarlaıdy "Adyrna" ulttyq portaly.
Májiliske kópten beri jýrnalısterdiń aldyna shyqpaǵan Úkimet basshysy Álıhan Smaıylov kelgenimen suraqtardyń kóbine jaýap bermeı ketti. Álıhan Ashanuly premer-mınıstr retinde jýrnalısterdiń aldyna 8 ret shyqqanyn aıtyp, aqtaldy. Áıtse de ol 7 jýrnalıstiń suraǵyna jaýap bergenimen ózge saýaldarǵa jaýap berýdi qajet dep tappady.
«Jýyrda sizdiń ákeńiz Jambyl oblysynyń qurmetti azamaty atandy. Bul qanshalyqty ádiletti boldy? Muny sizge jaǵympazdanyp jasap otyrǵan joq pa?» degen jýrnalıstiń suraǵyna premer-mınıstr «Joq. Ol kisi densaýlyq saqtaý salasynda 40 jyldan astam jumys istep kele jatyr. Joǵary kotegorııadaǵy hırýrg. Alpystan astam ǵylymı eńbekteri bar. Qazirge deıin ol óziniń tájirıbesin, bilimin kóptegen mamandarǵa berip, óziniń mindetin jalǵastyrýda. Sondyqtan da ol ádiletti dep oılaımyn», – dedi ol.
