Qazaqstan men Fransiia prezidentterı Qasym-Jomart Toqaev pen Emmanuel Makron BAQ ökılderı üşın brifing ötkızdı, dep habarlaidy "Adyrna" ūlttyq portaly Aqordanyŋ baspasöz qyzmetı.
Ekıjaqty kelıssözderden keiın Memleket basşysy Qasym-Jomart Toqaev pen Fransiia Prezidentı Emmaniuel Makron būqaralyq aqparat qūraldarynyŋ ökılderı üşın bırlesken mälımdeme jasady.
"Biyl ekı el arasyndaǧy Strategiialyq ärıptestık turaly kelısımge qol qoiylǧanyna 15 jyl toldy. Dostyq pen özara qoldauǧa negızdelgen osy yntymaqtastyqty odan ärı nyǧaitu – ortaq mındetımız. Bız bırge küş jūmyldyryp, közdegen maqsatqa jetemız. Men būǧan kämıl senemın. Sondyqtan bügıngı sapardyŋ män-maŋyzy airyqşa", – dedı Qasym-Jomart Toqaev.
Memleket basşysy Prezident Emmaniuel Makronmen mazmūndy kelıssöz jürgızıp, ekıjaqty bailanysty nyǧaitu jönınde naqty kelısımderge qol jetkızgenıne nazar audardy.
– Fransiia – Qazaqstannyŋ eŋ ırı sauda serıktesınıŋ bırı. Biylǧy segız ai ışınde sauda-sattyq kölemı ötken jylmen salystyrǧanda 21 paiyzǧa östı. Iаǧni 2,7 milliard dollarǧa jettı. Sondai-aq Fransiia negızgı şeteldık investorlarymyzdyŋ qataryna kıredı. Soŋǧy 15 jylda Fransiiadan Qazaqstanǧa 18,7 milliard dollarǧa juyq investisiia tartyldy. Bügınde bız energetika, atom önerkäsıbı, tau-ken, himiia, maşina jasau, qūrylys zattaryn öndıru, aeroǧaryş jäne farmasevtika salalarynda maŋyzdy jobalardy jüzege asyryp kelemız. Elımızde Alstom, Total Energies, Orano, Vicat siiaqty 170-ten astam fransuz kompaniiasynyŋ tabysty jūmys ısteuı – sonyŋ aiqyn dälelı, – dedı Prezident.Memleket basşysynyŋ aituynşa, kelıssözder barysynda sauda, ekonomika jäne investisiia salalaryndaǧy yqpaldastyqtyŋ auqymyn keŋeituge basa män berılıp, şikızat, auyl şaruaşylyǧy, kölık, logistika, jeŋıl önerkäsıp, densaulyq saqtau, innovasiia, qarjy jäne basqa da sektorlarda tyŋ jobalardy qolǧa alu maŋyzdy ekenı atap ötılgen. Būǧan qosa, prezidentter mädeni-gumanitarlyq saladaǧy yntymaqtastyqtyŋ maŋyzdy ekenın eskerıp, bılım jäne ǧylym baǧyttaryndaǧy jobalardy jüzege asyru jönındegı uaǧdalastyqqa qol jetkızgen. Memleket basşysy fransuz mektepterın aşuǧa, fransuz tılın üiretuge, akademiialyq bailanysty arttyruǧa baǧyttalǧan bırqatar kelısımge qol qoiylǧanyn aitty. Ekı el basşylary aimaqtyq jäne jahandyq kün tärtıbındegı özektı mäseleler jönınde pıkır almasyp, älemdegı türlı saiasi şielenıster men tüitkılder beibıt jäne diplomatiialyq jolmen şeşıluge tiıs degen bailamǧa kelgen. "Sonymen qatar Fransiia Prezidentı Qazaqstannyŋ älemdegı azyq-tülık qauıpsızdıgın qamtamasyz etu ısınde maŋyzdy röl atqaratynyna toqtaldy."Kompaniialarymyz būl ıske oŋ septıgın tigıze alatynyna senımdımın. Bız naryqty nyǧaituǧa üles qosa alamyz. Būl rette ausylǧa qarsy vaksina öndırısı jobasyn jüzege asyru turaly maŋyzdy kelısımge qol qoiyldy. Sondai-aq densaulyq saqtau salasynda ornatylǧan serıktestıktıŋ keleşegı zor. Prezident myrza, Sız halyqtarymyz arasyndaǧy bailanystardyŋ maŋyzdy ekenın aittyŋyz. Bız bılım beru baǧytyndaǧy yntymaqtastyqqa qatysty bırqatar kelısımderge qol qoidyq", – dedı Fransiia Prezidentı. Kelıssözder nätijesınde Qazaqstan men Fransiia basşylary Bırlesken mälımdeme jasady jäne ekı eldıŋ resmi delegasiia müşelerı mynadai qūjattarǧa qol qoidy:
- Qazaqstan Respublikasynyŋ Ükımetı men Fransuz Respublikasynyŋ Ükımetı arasyndaǧy Qazaqstanda Fransuz damu agenttıgı tobyn qūru jäne onyŋ jūmys ısteuı turaly kelısım;
- Qazaqstan Respublikasynyŋ Ükımetı men Fransuz Respublikasynyŋ Ükımetı arasyndaǧy Qazaqstan Respublikasynda halyqaralyq (fransuz) mektepter aşuǧa jäne Qazaqstan Respublikasynyŋ bılım beru ūiymdarynda fransuz tılın oqytuǧa qatysty kelısım;
- Fransiia men Qazaqstan arasyndaǧy strategiialyq paidaly qazbalar boiynşa yntymaqtastyq turaly bırlesken niet deklarasiiasy;
- «QazBioPharm «ŪH» AQ men Boehringer Ingelheim Animal Health France kompaniiasy arasynda Qazaqstan Respublikasynda ausylǧa qarsy vaksinany jergılıktı öndıru boiynşa yntymaqtastyq, lisenziia jäne jetkızu turaly kelısım;
- Energiiany jinaqtau jüiesı bar, jiyntyq quaty 1 GVt jel elektr stansiialaryn salu jobasy boiynşa bırlesken käsıporyn turaly kelısım;
- «Qazaqstan Respublikasynda temırjol lokomotivterı men jyljymaly qūramdy, sondai-aq temırjol tehnikasynyŋ qosalqy bölşekterın öndıru jäne olarǧa servistık qyzmet körsetu» jobasyn ıske asyru jönındegı investisiialar turaly kelısım.
Ūqsas jaŋalyqtar
