Türkiianyŋ Alaniia qalasynda ziiatkerlık oiyn dep tanylǧan «64» şarşyly doibydan jasöspırımder arasynda älem chempionaty öttı. Būl turaly elorda äkımdıgınıŋ baspasöz qyzmetı jazdy, dep habarlaidy «Adyrna» ūlttyq portaly.
Jarysqa, Qazaqstan, Resei, Bolgariia, Belarus, Qarǧyzstan, Afrika, Fransiia, Zambiia, Chehiia, Germaniia, Özbekstan, Äzerbaijan, Rumyniia, Türkiia memleketterınen kelgen 200-ge juyq doiby şeberı qatysty. Älem elderınıŋ doibyşylarynyŋ basyn bırıktırgen dodada respublikalyq jarystardyŋ 6 dürkın chempiony, elordalyq Izdäş Aizere baq synap jüldelı oraldy.Men älem chempionatyna bırınşı ret qatystym. Jahandyq doda öte jaqsy öttı. Bıraq būl oryndy alu maǧan oŋaiǧa soqpady. Būl jarys üş nominasiiaǧa bölındı. Ol klassika, rapid jäne blis. Bırınşı blisten jarys öttı. Alǧaşqy oinaǧan qarsylasym Diana Andreeva boldy. Qarsylasym bolǧanyna qaramastan maǧan motivasiia berdı. Kelesı oiyn rapid boldy. Būl nominasiiada üşınşı oryn alyp keldım. Al klassika azdap qiyn boldy. Basqa qarsylastarymnan osal tüsıp qaldym. Bıraq men üzdık ondyqqa kırdım. Men endı kelesı ülken jarystarda bırınşı oryn alamyn dep senemın, - deidı älem chempionatynyŋ qola jüldegerı Aizere Izdäş.Doibynyŋ rapid türınen 11 jasqa deiıngı qyzdar arasynda synǧa tüsıp, qola jüldeger atanǧan Aizere Izdäştı Astana qalasynyŋ Dene şynyqtyru jäne sport basqarmasynyŋ basşysy aituly jetıstıgımen qūttyqtady.
Elımızdıŋ atyn älemge tanytyp, bairaqty bäsekede qarsylastaryna des bermei 21 oiyn ötkızıp, üzdık üştık qatarynan körıngen Aizerenı aituly jeŋısımen qūttyqtaimyn. Aldaǧy uaqytta halyqaralyq jarystarda tek jeŋıske jetuıne tılektespın! - dedı qalalyq sport basqarmasynyŋ basşysy Samat Jylqybaev.
«Adyrna» ūlttyq portaly
Ūqsas jaŋalyqtar
