Qaraǧandydaǧy apatqa Mittal kınälı me, joq älde Ükımettıŋ salǧyrttyǧy sebep boldy ma? Būl sūraqqa Ükımet basşysynyŋ orynbasary Tamara Düisenova jauap berdı, dep habarlaidy «Adyrna» ūlttyq portaly.
Jurnalist «Äleumettık jelıde Lakşmi Mittaldyŋ Germaniia men Ukrainadaǧy kompaniialary joǧary tehnologiiamen jabdyqtalǧanyn jazyp jatyr. Bıraq keibır azamattar Qaraǧandydaǧy apatqa jappai Mittaldy aiyptap jatyr. Būǧan Mittal kınälı me, joq älde Ükımettıŋ salǧyrttyǧy sebep boldy ma?» degen sūraq qoidy.«Şahtaǧa qatysty standarttyŋ barlyǧy Mittal basqaratyn kompaniianyŋ aldyna qoiylǧan. Ukrainada däl osyndai jaǧdailar boldy. Germaniia jäne basqa da kenıştegı qūrylǧylarymen men jeke tanysqanmyn. Endı barlyq jerde keremet jasap qoidy dep aita almaimyn. Sonyŋ ışınde bızdıŋ mäselege olardyŋ salǧyrttyǧy bolǧan. Sondyqtan da bız soŋǧy jyldary ol kısılerge öte qatty jūmys oryndary turaly eskertu bergenbız. Onyŋ eŋ negızgısı, bızdegı jūmys insfeksiiasyndaǧy eŋ bırınşı mäsele - medisinalyq taldaudy jasau bolatyn. Sondai-aq däl sondai qūrylǧylardy bızde qoiudy talap etıp qoiǧanbyz. Soŋǧy 3 jylda 50 mlrd bölıp, kezeŋ-kezeŋ boiynşa bız aitqan qūrylǧylardy qoia bastady. Bıraq atalǧan kompaniia bız aitqan talaptyŋ bärın oryndady dep aita almaimyz», – dedı Tamara Düisenova.Būdan bölek qaitadan «Apatqa bailanysty Ükımettıŋ aiyby joq pa?» degen saual qoiylǧanda Tamara Qasymqyzy «Ükımettıŋ känısı joq dep aita almaimyz. Bıraq būl jerde kompaniianyŋ kınäsı köbırek dep oilaimyn», - dep qysqa qaiyrdy.
«Adyrna» ūlttyq portaly
Ūqsas jaŋalyqtar
