Daıyndyq bir aı boıy júrdi. Oqýshylar kúnde jınalyp, senarııdi pysyqtap otyrdy
NUR-SULTAN, 25 mamyr – Sputnik, Arman Asqar. Búgin elordanyń №58 mektep-gımnazııasynyń túlekteri úshin sońǵy qońyraý soǵyldy. Saltanatty jıynǵa qala ákimi Baqyt Sultanov ta kelemin degen. Biraq sharanyń bastalýyna birneshe mınýt qalǵanda baspasóz qyzmeti ákimniń aýyryp qalǵanyn habarlady. Onyń ornyna Malıka Bekturova keldi. Sputnik Qazaqstan tilshisi de sońǵy qońyraýǵa qatysyp, oqýshylardyń "ákim keledi" degen kúnge qalaı daıyndalǵanyn kórip qaıtty.
"Ákimmen kezdespegenimizge ókinbeımiz"
Búgingi jıynda bári boldy. Mektep túlekteri án de aıtty, bı de bıledi. Bastaýysh synyp oqýshylarynyń ónerin tamashalap, mektepke qalaı kelgenderin eske aldy. Osydan keıin dástúrli valsqa shyǵyp, shyr aınaldy.
Taǵy oqyńyz: Bilim mınıstrligi túlekter keshin ótkizýge baılanysty usynys aıtty
Saltanatty jıynda ákimniń alǵys hattary da tabystaldy. Biraq onyń bárin qala basshysynyń orynbasary Malıka Bekturova berdi. Ákimniń alǵysyna bir ǵana oqýshy ıe boldy. Ol – oqý úzdigi Abaı Esenbaev. Sputnik Qazaqstan tilshisine bergen suhbatynda Abaı alǵys hatty ákimniń qolynan almaǵanyna esh kóńili túspegenin jetkizdi.
"Onda turǵan eshteńe joq. Bolashaqta konferenııalarda nemese basqa da jıyndarda kezdesemiz dep oılaımyn. Negizi, biz aldyńǵy kúni daryndy balalarmen birge ákimmen júzdeskenbiz. Eki jyl buryn Áset Isekeshevpen de kezdestik. Sondyqtan ondaı kezdesýler áli de bolyp turady", - deıdi Esenbaev.
Mektep bul jıynǵa bir aı boıy daıyndalǵan eken. Oqýshylar kúnde jınalyp, senarııdi pysyqtap otyrdy.
"Biz bul sharaǵa qatty daıyndaldyq. Kúnde jınaldyq. Bári oıdaǵydaı boldy dep oılaımyn. Endi, mekteppen qoshtasqym kelmeıdi. Osy jerde 11 jyl boıy oqydyq. Muǵalimderdi, dostarymdy qımaımyn. Birtúrli aýyr bolyp tur", - dedi taǵy bir túlek Tolǵanaı Qylysheva.
13 ınnovaııalyq joba jasaldy
№58 mektep-gımnazııasyn ákimge kórsetetindeı biraz jetistikteri bar eken. Bıyl oqýdy 70 túlek támamdap otyr. Olardyń ishinde respýblıkalyq jarystarda top jaryp, Reseıde ótken ǵylymı konferenııada birinshi oryn alǵandar da bar.
"Bıyl 70 túlektiń ishinde 2 altyn belgi jáne 5 úzdik attestattan úmitker bolyp otyr Osy oqý jylynda mektebimizde ekotehnıkalyq baǵytta 13 ınnovaııalyq joba iske asyryldy", - deıdi mektep dırektory Samal Nýgýmanova.
"Buryn bári ǵaryshker bolǵysy kelse, qazir olaı eshkim aıtpaıdy"
Búginde mektepte birneshe zerthana bar. Máselen, ǵylym men tehnologııa zerthanasynda oqýshylar óz qolymen shaǵyn zaýyt-fabrıkalardy jasaı alady. Al zymyran qurastyrý kabınetinde jeńil raketalardy jınap, aspanǵa ushyrýǵa múmkindik bar.
"STEM+ zerthanasynda balalar robottardy ǵana emes, shyn ómirde bolatyn zaýyttardyń shaǵyn nusqasyn da qurastyra alady. Sosyn Qazaqstanda Baıqońyr sııaqty úlken ǵarysh aılaǵy bar. Biraq bizde ǵarysh salasy aqsap tur ǵoı. Buryn bári ǵaryshker bolǵysy keletin. Qazir olaı eshkim aıtpaıdy. Balalardyń osy yntasyn oıatý úshin raketa modeldeý kabıneti ashyldy", - dep atap kórsetti fızıka muǵalimi Erǵalı Naýatbek. Búgin ol da ákimiń alǵysyna ıe boldy.
Oqýshylar kokteıl men soýs jasaıdy
Mektepte jasyl tehnologııalar kabıneti bar. Ol jerde oqýshylar ósimdikterge san alýan tájirıbe jasaıdy. Gıdroponıkalyq qurylǵynyń negizinde qulpynaıdy da ósirip otyr. Al bir top oqýshy kokteıl men soýsty jasap shyqqan. Búgin ony kelgen barlyq qonaqtarǵa taratty.
Al mektep dálizinde mynandaı senim jáshigin baıqaýǵa bolady. Muǵalimderdiń aıtýynsha, oqýshylar oǵan óz aryz-shaǵymdaryn, sondaı-aq, usynystaryn salyp otyrady. Psıholog mamandarǵa hat jazatyn balalar da bolady.
Aıtpaqshy, mektepke ákim keledi degennen keıin kommýnaldyq qyzmetter aınalanyń bárin tazalap qoıdy. Tipti, gúlzarǵa jatpaıtyn shópti de qyrqyp, tegistep tastady. Alaıda joldy jóndeýdi úlgermedi.
