Keshe, 29 qazan keshkisin Mahachkala áýejaıynda tártipsizdikter oryn aldy. Áýejaıǵa jınalǵan halyq «Izraılden kelgen bosqyndardy» izdep termınal ǵımaratyna kirip, aerodromǵa shyqty. Bul týraly VVS jarııalady, dep habarlaıdy “Adyrna” ulttyq portaly.
Mahachkala áýe kóliginiń federaldy agenttigi áýejaıdy ushyp-qoný úshin japqan.
Habarlamaǵa sáıkes, aerodrom jabylǵannan keıin, shamamen bir saǵat ótken soń Máskeý ýaqytymen 22:20-da áýejaı basa-kóktep kirgenderden bosatylǵan.
RIA Novostı agenttiginiń habarlaýynsha, tártipsizdikterge júzdegen adam qatysqan. Keıin Daǵystannyń Densaýlyq saqtaý mınıstrligi tártipsizdik kezinde 20-dan astam adamnyń jaralanǵanyn habarlady. Olardyń 10-y aýrýhanaǵa jatqyzyldy, onyń ishinde ekeýiniń jaǵdaıy óte aýyr. Qurbandar arasynda beıbit turǵyndar da, polıııa qyzmetkerleri de bar.
Jeksenbi kúni tústen keıin Daǵystan telegram-arnalarynda bosqyndar respýblıkaǵa turý úshin Tel-Avıvten turaqty reıspen kelýi kerek degen habarlamalar taraı bastaǵan. Osydan keıin kóp uzamaı jergilikti turǵyndar Mahachkala áýejaıyna jınala bastady. Keıbireýler Palestına týyn kóterip keldi.
«Týt Dagestan» telegram kanaly jazǵandaı, Izraıl azamattaryn izdegen narazylyq bildirýshiler áýejaı ǵımaratynan shyǵyp ketken adamdardan qujattardy talap ete bastady. Kóp uzamaı halyq ǵımaratqa kirip ketti.
Jelide taraǵan vıdeolarda áýejaıdyń aınalasynda evreılerdi izdep, qyzmet kórsetý oryndarynyń esigin kúshtep ashyp jatqan agressıvti jas jigitterdi kórýge bolady.
Tergeý komıtetiniń Daǵystan boıynsha departamenti jappaı tártipsizdik baby boıynsha qylmystyq is qozǵaǵan.
Sondaı-aq, Mahachkala áýejaıyndaǵy tártip saqshylary barlyq qatysýshylardy kamera arqyly tabýǵa ýáde berdi.
