Jambyl oblysyndaǧy jaralystan keiın joǧalyp ketken jauyngerdıŋ jaqyndary bügın şu şyǧardy. Olar Bauyrjan Däuıtbaevty ızdeu jūmysy sylbyr jürıp jatyr dep şaǧym aityp otyr, dep habarlaidy “Adyrna” ūlttyq portaly KTK arnasyna sılteme jasap.
Al äskeriler ız-tüzsız ketken kışı serjantty tabuǧa bar küşımızdı salyp jatyrmyz dep aqtaldy. Tıptı ızdeu jūmystarynyŋ qarqyndy jürıp jatqanyn däleldeu üşın Bauyrjannyŋ tuystaryn jarylys bolǧan aumaqqa kırgızuge mäjbür boldy.
Bauyrjan Däuıtbaevtan 14 künnen berı habar joq. Onyŋ ne ölı, ne tırı ekenı belgısız. Jarylys bolǧan aumaq ta, auyl-aimaq ta tügel tekserıldı. Bıraq ony kördım-bıldım degen tırı jan joq. Al 34 jastaǧy jauyngerdı üiınde tört balasy men jary kütıp otyr. Ata-anasy da jarty aidan berı janyn qoiarǧa jer tappai otyr. Olar Bauyrjan tırı degen ümıtte. Sondyqtan ızdeu jūmystaryn küşeitu kerek deidı.
“Adam az, bükıl Qazaqstannyŋ äskerilerın şaqyrsyn. Nege şaqyrmaidy? Aqparat berıp otyr, 100 adam dep, qaidaǧy! Nebärı 15 adam jür”, – deidı Bauyrjannyŋ anasy Farida Aǧybekova.
Qaumalaǧan kısılerdıŋ bärı Bauyrjannyŋ jaqyndary. Bügın olar atyşuly äskeri bölımnıŋ aldyna jinaldy. "Izdeu jūmystaryna köŋılımız tolmaidy" degender jarylys bolǧan aumaqqa kırıgızudı talap ettı. Sol jerdegı atqarylyp jatqan ıstı közben köruımız kerek dep baibalam saldy. Keiın äskeriler amalsyz Bauyrjannyŋ äkesı bastaǧan üş adamdy ışke ötkızıp, jarylǧan qoimany körsetıp qaitty.
“Bärın töŋkerıp tastady. Qaida ketuı mümkın? Qaita ketedı, töŋkerıp jatyr. Üş märte topyraqty bylai alyp, qaita bylai qoidy. Tormen jūmys ıstedı”, – deidı äskeridıŋ äkesı Talǧat Däuıtbaev.
Al äskeriler Bauyrjan Däuıtbaev jaralys oşaǧynan nebärı 30-40 metr jerde bolǧan deidı. Iаǧni oqys oqiǧa kezınde qoimada jürgen. Ony sol maŋnan soŋǧy ret körgen ärıptesterı aityp bergen. Sondyqtan da jarylys bolǧan aumaq mūqiiat tekserıp jatyr. Bıraq ızdeu oŋaiǧa soǧyp jatqan joq. Sebebı jaralystan keiın onda tereŋdıgı 20 metrlık or paida bolyp, ainalasy topyraqqa kömılıp qalǧan eken.
“Senseŋızder, bız üiılgen topyraqty qoparyp alyp, ony elekten ötkızıp qarap jatyrmyz. 14 künen toqtausyz jūmıs ıstep jatyrmyz. Bızdıŋ mındetımız – Bauyrjan Däuıtbaevty tabu. Sol jerde bar, ne joq ekenıne köz jetkızuımız kerek”, – deidı Taraz baspasöz qyzmetınıŋ bastyǧy Dina Muharinova.
26 tamyzda Jambyl oblysy Baizaq audanyndaǧy äskeri bölımnen ört şyǧyp, artynan joiqyn jarylystar bolǧan. Oqys oqiǧadan 16 adam ajal qūşyp, 26 nauqas älı künge auruhanada jatyr . Al tılsız jaudyŋ neden tūtanǧany äzırge belgısız.
