Tuǧan qalam - Qaraǧandy şahtasyndaǧy qaiǧyly oqiǧa turaly estıp, bükıl qazaqstandyqtarmen bırge qabyrǧam qaiysuda. «Tas tüsken jerıne auyr» deidı qazaq. Qaza tapqan kenşılerdıŋ otbastaryna QR Qaruly Küşterınıŋ ardagerlerı atynan, jeke öz atymnan köŋıl aityp, qaiǧylaryŋyzǧa ortaqpyz degım keledı.
Qiyndyǧy mol, qauıp-qaterge toly şahter eŋbegınıŋ baǧasyn öz basym jaqsy bılemın. Öitkenı sol Kostenko atyndaǧy şahtada bes jyl boiy prohodchik bolyp eŋbek ettım. Osy jaǧdaidy jüregıme jaqyn qabyldaǧanym da sondyqtan şyǧar.
Oqiǧa ornyna Memleket basşysy Q.Toqaev baryp halyqpen kezdestı, şūǧyl şeşımder qabyldauǧa nūsqaular berdı. Sondai-aq, Prezident eşkımnıŋ memleket qamqorlyǧynan tys qalmaitynyn nyqtap aitty. «Arselor Mittal Temırtau» kompaniiasymen investisiialyq yntymaqtastyq toqtatylatyn boldy. Endı qarapaiym halyqtyŋ jaǧdaiyn jasaityn jaŋa investor keledı dep ümıtteneiık.
Bügın Qazaqstanda qaraly kün, 29 qazan – Ūlttyq aza tūtu künı dep jariialandy. «Qaiǧyny bölısse azaiady» deidı halyq danalyǧy, endeşe jūdyryqtai jūmylyp, eldıgımızdı tanytsaq būl qiyndyqty da eŋseretınımız anyq.
Mūhtar Altynbaev,
«QR Qaruly küşterı ardagerlerı» RQB töraǧasy,
armiia generaly, Halyq Qaharmany
Ūqsas jaŋalyqtar
