Tötenşe jaǧdailar ministrı general-maior Syrym Şärıphanov şahtaǧa tüsu jūmystaryn jürgızdı, dep habarlaidy "Adyrna" tılşısı.
QR Tötenşe jaǧdailar ministrı ört jäne kenşılerdıŋ qaza bolǧan jerlerde tekseru jürgızdı. Būl turaly QR TJM baspasöz qyzmetı mälımdedı.
Avariiany joiu jönındegı jedel ştab täulık boiy ızdestıru-qūtqaru jūmystaryn jürıgızıp jatyr. Eŋ qauıpsız jäne kenşıler boluy mümkın yqtimal uchaskeler boiynşa tau-ken qūtqaruşylarynyŋ ötu joldary da tekserılude. Qazır ızdestıru jūmystary şamamen bır-bırınen 4 km qaşyqtyqta ornalasqan ekı öndıru uchaskesınıŋ audanynda jürıp jatqany aityldy.
"Tau-ken qūtqaruşylary qajettı jabdyqtarmen jäne bailanys qūraldarymen qamtamasyz etılgen. Gaz jaǧdaiyn baqylau jalǧasuda. Izdestıru-qūtqaru jūmystaryna barlyǧy «Käsıbi äskerilendırılgen avariialyq-qūtqaru qyzmetterınıŋ respublikalyq ortalyq ştaby» JŞS Qaraǧandy filialynyŋ 55 tau-ken qūtqaruşysy jäne 15 tehnikasy jūmyldyryldy",-dep jazady TJM baspasöz qyzmetı.Al kenşılerge şūǧyl medisinalyq kömektı qamtamasyz etu üşın 21 adam jäne 7 bırlık jedel medisinalyq järdem tehnikasy jūmyldyrylǧany aityldy.
Ūqsas jaŋalyqtar
