Tótenshe jaǵdaılar mınıstri general-maıor Syrym Sháriphanov shahtaǵa túsý jumystaryn júrgizdi, dep habarlaıdy "Adyrna" tilshisi.
QR Tótenshe jaǵdaılar mınıstri órt jáne kenshilerdiń qaza bolǵan jerlerde tekserý júrgizdi. Bul týraly QR TJM baspasóz qyzmeti málimdedi.
Avarııany joıý jónindegi jedel shtab táýlik boıy izdestirý-qutqarý jumystaryn júrigizip jatyr. Eń qaýipsiz jáne kenshiler bolýy múmkin yqtımal ýchaskeler boıynsha taý-ken qutqarýshylarynyń ótý joldary da tekserilýde. Qazir izdestirý jumystary shamamen bir-birinen 4 km qashyqtyqta ornalasqan eki óndirý ýchaskesiniń aýdanynda júrip jatqany aıtyldy.
"Taý-ken qutqarýshylary qajetti jabdyqtarmen jáne baılanys quraldarymen qamtamasyz etilgen. Gaz jaǵdaıyn baqylaý jalǵasýda. Izdestirý-qutqarý jumystaryna barlyǵy «Kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby» JShS Qaraǵandy fılıalynyń 55 taý-ken qutqarýshysy jáne 15 tehnıkasy jumyldyryldy",-dep jazady TJM baspasóz qyzmeti.
Al kenshilerge shuǵyl medıınalyq kómekti qamtamasyz etý úshin 21 adam jáne 7 birlik jedel medıınalyq járdem tehnıkasy jumyldyrylǵany aıtyldy.
