Meıirimdilik - adam boıyndaǵy eń izgi qasıetterdiń biri. Túrkistan oblysy, Túlkibas aýdanyndaǵy Abaı mektep-lıeıiniń 1999 jyly mektep bitirgen túlekteri 4 balany jalǵyz ózi tárbıelep otyrǵan anaǵa aýdan ortalyǵy T.Rysqulov aýylynan 4 bólmeli úı alyp berip, qýanyshqa bóledi.
Qýanyshqa kenelgen Iýsýpova Nazıra Japarqulqyzy kóp jyldan beri baspanaǵa qol jetkize almaı júrgen bolatyn. Nazıra apaı qasıetti ramazan aıynda mektep bitirgenderine 20 jyl tolǵanyn ıgi ispen órnektegen túlekterdiń syıyna alǵysy sheksiz ekenin jetkizdi. Bul qaıyrymdylyq sharasy "Altyn uıam" jobasy aıasynda ótip otyr.
Mıchýrın sovhozynda jumysshy bolyp qyzmet atqarǵan Nazıra Japarqulqyzy sol mańaıdaǵy Taýsaǵyz aýylynda jaldamaly páterde turǵan. Búgingi tańda bala kútimimen úıde otyr.
Bundaı ıgi shara Túlkibas aýdanynda birinshi ret oryn alyp otyrǵan joq. Byltyr dál osy Abaı mektep- lıeıiniń 1998 jyly bitirgen túlekteri 7 balasy bar jalǵyz basty anaǵa aýdan ortalyǵynan tórt bólmeli úıdi syıǵa tartqan bolatyn. Osyndaı qaıyrymdylyq sharalary 20 jyldyqty atap ótetin túlekter arasynda dástúrge aınalǵandaı.
