Kostenko şahtasynda qaza tapqandar sany 16-ǧa jettı, dep habarlaidy «Adyrna» ūlttyq portaly.
«ArsellorMittal Temırtau» AQ mälımetınşe, şahtada bolǧan 252 adamnyŋ 205-ı jer betıne şyǧaryldy, onyŋ 18-ı medisinalyq kömekke jügındı. 31 kenşını ızdeu jūmystary jürıp jatyr. 16 kenşınıŋ mäiıtı tabyldy. Barlyǧy 18 kenşı emdeu mekemelerıne jatqyzyldy, bıreuı ambulatorlyq emdeluge şyǧaryldy, qalǧandary auruhanada jatyr.«Qaraǧandynyŋ oŋtüstık-şyǧysyndaǧy professor Maqajanov atyndaǧy köpsalaly auruhanada kömırqyşqyl gazynan ulanǧan 15 adam bar. Bır nauqas kömırtegı totyǧymen auyr ulanǧan, qalǧandary jeŋıl jäne ortaşa därejedegı ulanǧan. Zardap şekkenderdıŋ barlyǧy toksikologiia bölımıne jatqyzyldy», - dep habarlady Densaulyq saqtau basqarmasynan.Sondai-aq, taǧy ekı adam Mihailovkadaǧy professor Maqajanov atyndaǧy köpsalaly auruhanada jatyr. Bırınıŋ jaǧdaiy auyr reanimasiiada, ekınşısı travmatologiia bölımınde (operasiiadan keiın). Aitalyq, apat ornynda qūtqaruşylar jūmysyn jalǧastyryp jatyr. Ştab jūmys ısteidı. Qazır şahtadaǧy apatqa bailanysty «ArselorMittal Temırtau»AQ TJM jäne Qaraǧandy oblysynyŋ TJ Departamentınde aqparattyq jäne psihologiialyq qoldau üşın jedel jelı telefondary jūmys ısteidı. Būǧan deiın Qasym-Jomart Toqaev Kostenko atyndaǧy şahtadaǧy ört saldarynan qaza tapqan kenşılerdıŋ tuǧan-tuystary men jaqyndaryna köŋıl aityp, zardap şekkenderdıŋ tezırek sauyǧyp ketuın tılegen bolatyn. Ükımetke «ArselorMittal Temırtau» kompaniiasymen yntymaqtastyqty toqtatu tapsyryldy. Eske salaiyq, 17 tamyzda «ArselorMittal Temırtau» kömır departamentıne qarasty «Qazaqstan» şahtasynda konveier lentasy örtenıp, saldarynan bes kenşı qaza tapqan bolatyn.
«Adyrna» ūlttyq portaly
Ūqsas jaŋalyqtar
