Qazaqstan aqparat jáne qoǵamdyq damý mınıstrligi 29 mamyrda "Habar" arnasynda prezıdenttikke kandıdattar arasynda teledebat ótkizýdi usyndy. Bul týraly 24 mamyrda ortalyq saılaý komıssııasynda ótken jıynda aıtyldy.
OSK ókili Lázzat Súleımen qazirgi kezde teledebatty ótkizý reglamenti qarastyrylyp jatqanyn aıtty.
Qazaqstanda kezekten tys prezıdent saılaýy 9 maýsymda ótedi. Bul jolǵy saılaý eldi otyz jylǵa jýyq basqaryp, bıyl naýryzda Qazaqstan prezıdenti qyzmetinen ketken Nursultan Nazarbaevtyń qatysýynsyz ótkeli otyr. Ótken aptada ortalyq saılaý komıssııasy jeti adamdy prezıdenttikke kandıdat retinde tirkegen:
- Sádi-Bek Túgel - "Uly dala qyrandary" respýblıkalyq qozǵalysy;
- qazirgi prezıdent Qasym-Jomart Toqaev - "Nur Otan" partııasy;
- Amangeldi Taspıhov - Qazaqstan kásipodaqtar federaııasy;
- Danııa Espaeva - "Aq jol" partııasy,
- Tóleýtaı Rahymbekov - "Aýyl" partııasy;
- Jambyl Ahmetbekov - "Qazaqstan komýnıstik halyq partııasy";
- Ámirjan Qosanov - "Ult taǵdyry" qozǵalysy.
Mamyrdyń 11-i kúni bastalǵan elde saılaý aldyndaǵy úgit-nasıhat kezeńi bastaldy. Ol maýsymnyń 8-ine deıin sozylmaq.
"Azattyq" radıosy
