Aqtöbe oblysynda qyzylşa auruy uşyǧyp barady. Jyl basynan berı oblystyŋ myŋnan astam tūrǧyny qauıptı dertke şaldyqqan. Qazır jansaqtau bölımınde alty säbi jatyr. Emhanalarǧa qosymşa tösek-oryndar salynuda, dep habarlaidy "Adyrna" ūlttyq portaly.
Aqtöbe oblysynda qyzylşa auruynyŋ alǧaşqy oqiǧalary aqpan aiynda tırkele bastady, dep jazady Astanatv. Auru asqynǧan uaqyt küzde tırkelıp otyr. Barlyq otbasylar emdeluge auruhanalarǧa jatqyzylady. Osyǧan orai oblystaǧy auruhanalarǧa qosymşa tösek-oryndar ornalastyryldy.
"Bügınde bızde oblysta 211 tösek, eresekter men balalarǧa arnalǧan oblystyq auruhanalarda 91 jäne «Chaika» şipajaiynda 120 tösek bar. Soŋǧy 10 künde bızde künıne orta eseppen 20 jaǧdai tırkeldı",
dedı densaulyq saqtau basqarmasy basşysynyŋ orynbasary Baqytjan Tülkıbaev.
Qazır «Chaika» şipajaiynda 82 adam emdelude. Basym köpşılıgı balalar. 6 säbi jansaqtau bölımınde jatyr. Därıgerlerdıŋ aituynşa, auru jūqtyrǧan balalardyŋ 70 paiyzdan astamy ekpe almaǧan. Al mūndai jaǧdailarda auru äldeqaida auyr jüredı. Därıgerler qyzylşanyŋ öte jūqpaly auru ekenın eskertedı. Vaksinasiialanbaǧan adam ony 100% yqtimaldyqpen jūqtyruy mümkın. Aurudyŋ aitarlyqtai tarap jatqanyna qaramastan, oblystaǧy balabaqşalar men mektepter karantinge jabylmaǧan. Qyzylşa anyqtalsa, jūqtyrǧan bala oqşaulanady, al qalǧan balalar 21 kün boiy baqylauda bolady.
Ūqsas jaŋalyqtar
