Memleket basşysy Qasym-Jomart Toqaev qazaqstandyqtardy 25 qazan Respublika künımen qūttyqtady, dep habarlaidy "Adyrna" portaly akorda.kz-ke sıltep.
"Qūrmettı otandastar!
Barşaŋyzdy ūlttyq merekemız – Respublika künımen şyn jürekten qūttyqtaimyn!
Qazaqstannyŋ tarihi taŋdauyn aiqyndaǧan Egemendık deklarasiiasy – eldıgımızdıŋ berık tūǧyry. Onda memleketımızdıŋ aumaqtyq tūtastyǧynyŋ myzǧymastyǧy, halqymyzdyŋ jalpyūlttyq bıregeilıgın nyǧaituǧa ūmtylysy jäne azamattarymyzdyŋ qūqyqtary men bostandyqtaryna kepıldık berıletındıgı naqty körınıs tapqan. Osy basty qaǧidattar Konstitusiiamyzda, zaŋdarda jäne Qazaqstannyŋ strategiialyq baǧyt-baǧdaryn belgıleitın basqa da qūjattarda körsetılgen.
Respublika künı yrysty yntymaq pen özara tıleulestıktıŋ arqasynda halqymyzdyŋ barlyq syn-qaterden sürınbei ötıp, azattyqqa jetkenın äigıleidı. Bız babalar amanatyna adal bolamyz. El bırlıgın ärdaiym nyǧaita beremız. Egemendıgımızdı qadır tūtyp, közdıŋ qaraşyǧyndai saqtaimyz.
Halqymyz tatu-tättı ärı berekelı qoǧam qūruǧa bar erık-jıgerın jūmsaidy, jasampaz ısımen jaŋa belesterdı baǧyndyrady. Ärbır otandasymyz Adal azamat degen atqa laiyq bolyp, elımızdı damytuǧa salmaqty sözımen, önegelı ısımen üles qosady.
Bız bırge maqsatymyzǧa jetemız – barşaǧa bırdei mümkındık beretın Ädılettı Qazaqstandy qūramyz.
Bairaǧymyz kök aspanda asqaq jelbıresın!
Ūlttyŋ ruhy qaşanda biık bolsyn!
Elımız ösıp-örkendei bersın!
Sızderge zor densaulyq, baq-bereke jäne tolaǧai tabys tıleimın!" delıngen prezident qūttyqtauynda.
Ūqsas jaŋalyqtar
