Qazaqstan Prezidentı Qasym-Jomart Toqaevtyŋ tapsyrmasy aiasynda «Hairaton» temırjol stansiiasynyŋ aumaǧyna (Auǧanstan, Balh provinsiiasy) Auǧanstannyŋ Gerat provinsiiasyndaǧy jer sılkınısınen zardap şekkenderge Qazaqstannan jıberılgen gumanitarlyq kömektıŋ kezektı partiiasy jetkızıldı, dep habarlaidy «Adyrna» ūlttyq portaly.
QR Syrtqy ıster ministrlıgı baspasöz qyzmetınıŋ mälımetınşe, Qazaqstannan Auǧanstanǧa gumanitarlyq jük jalpy salmaǧy 1662 tonna bolatyn 27 vagonnan tūrady. Onda kürış, ūn, ösımdık maiy, süt konservılerı, matrastar, körpeler, jaimalar, jastyqtar, jyly kiımder, şatyrlar, zyǧyr matalar, jastyq qaptary men kereuetter bar.
Balh provinsiiasy gubernatorynyŋ orynbasary A.İdriss auǧan halqy atynan Qazaqstan Prezidentı Qasym-Jomart Toqaevqa, QR Ükımetı men qazaq halqyna tūraqty jäne jedel gumanitarlyq kömek körsetkenı üşın alǧys bıldırıp, ekı el halqy arasynda berık dostyq bailanys bar ekenın atap öttı.
«Adyrna» ūlttyq portaly
Basqalarmen bölıse
otyryŋyz
