Osyǵan baılanysty búgin Májilis depýtaty, «Aq jol» partııasynyń tóraǵasy Azat Perýashev Qazaqstan halqyna, qazaq ultyna qaırylyp sóılep, beıne úndeý jarııalapty.
«Alashqa taǵzym» sherýine bas qalanyń ákimi, ákimdigi ruqsat bermegenin, ákim ruqsat bermedi eken dep, Alash arystaryn, Stalın saıasatynyń qurbandaryn (resressııa men asharshylyq qurbandaryn) umyt qaldyrýǵa bolmaıtynyn aıtypty. Áýeli úndeýge nazar aýdaraıyq... Beıne úndeýdiń mátini mine:
Qurmetti qazaqstandyqtar!
Jýyrda Nur-Sultan qalasynyń ákimdigi, «Aq jol» partııasynyń saıası qýǵyn-súrgin qurbandaryn eske alý úshin «Alashqa taǵzym» atty sherýin ótkizýge ruqsat bermedi.
Ruqsat bermeýge negiz bolǵan sebepteri – qyp-qyzyl ótirik. Bizdiń ótinishimizde barlyq qajetti aqparat zańǵa sáıkes kórsetilgen bolatyn. Memlekettik organdardy da túsinýge bolady: olar saılaý kezinde túrli arandatýlar men bassyzdyqtardan qaýiptenip otyrǵan shyǵar.
Sondyqtan mynany aıtqym keledi: eshkim otqa maı quıyp, kópshilikti ashyndyrýǵa múddeli emes. Memlekettik ınstıtýttardy álsiretý - azamattardyń ózderi úshin de, memleket úshin de qaýipti. Ulttyq táýelsizdigimiz ben jerimizdiń tutastyǵyn saqtaý úshin myqty memleket kerek.
Sonymen qatar, ol jaı kúshti ǵana emes, árkim, óziniń múmkindikteri men quqyqtaryn júzege asyra alatyn, ádiletti de, ozyq memleket bolýy qajet. Onyń ishinde sóz bostandyǵyna degen azamattardyń haqy da bar.
Memlekettik organdar, adamdardy alańǵa shyǵaratyn yza men kek emes, jaqsylyqqa degen umtylysy ekenin túsingeni jón. Narazylyqtyń aldyn alýdyń eń tıimdi joly - belsendilerdi qamaý emes, naqty reformalardy tezdetý.
Joǵaryda aıtylǵandarǵa baılanysty, men: «Alashqa taǵzym» sherýine ruqsat bermese de, «Aq jol» partııasynyń jetekshileri men depýtattary 31 mamyr kúni «Alash» qaıratkerleri men qýǵyn-súrginge ushyraǵan ata-babalarynyń portretterimen olardyń eskertkishine baryp, gúl qoıyp, quran baǵyshtaıtynyn jarııalaımyn.
Bul sherý de, mıtıng te emes. Sondyqtan biz osy joly eshkimnen ruqsat suramaımyz. Bizdiń Qazaq Respýblıkasynyń bolashaǵy úshin qurban bolǵandarǵa taǵzym etýge tolyq konstıtýııalyq haqymyz bar.
Nazarlaryńyzǵa raqmet!
Azat Perýashev
«Aq jol» partııasynyń tóraǵasy
Alyp-qosary joq. Dóp sóz. Aıtylýy kerektiniń barlyǵy derlik aıtylǵan. 31 mamyr saıası qýǵyn-súrgin men asharshylyq qurbandaryn eske alý kúni. Bul ulttyq aza tutý kúni. Stalındik repressııanyń, qoldan jasalǵan asharshylyqtyń qurbandaryn eske alatyn, qazaqtyń Táýelsizdiginiń jolynda sheıit ketken Alash qaıratkerlerin ulyqtaıtyn kún.
Bul kúni marqumdardy, olardyń qaıratkerligin eske alý, olarǵa quran baǵyshtaý – bul eshqandaı da sherý, ıakı mıtıng emes. Bul – árbir qazaqtyń mindeti.
Al ótken joly Sultanovtyń ákimdigi bergen resmı jaýapta: «Qazaqstan Respýblıkasynda beıbit jınalystar, mıtıngiler, pıketter jáne sherýler ótkizý jáne uıymdastyrý týraly» QR Zańynyń talaptaryn buzý jaýapkershilikke ákep soqtyratyndyǵyn eskertemiz» dep jazylǵan. Bul jaýapty aqyldyń sheńberine syızyǵa almadyq, ras. Sonda Alash qaıratkerlerin eske alyp, olarǵa taǵzym jasaý – zań buzýshylyq pa? Sultanov, qurbandarǵa quran baǵyshtaǵan jurtty jaýapqa tartpaq pa?
;feature=youtu.beEndi «Alashqa taǵzym» sherýi týraly retimen tarqatyp jazaıyq...
17 sáýir kúni «Aq jol» partııasy Nur-Sultan qalasynyń ákimi Baqyt Sultanovqa usynys hat jazdy. 31 mamyr kúni «Alashqa taǵzym» sherýin ótkizýge ruqsat surady. Bul týraly 22 sáýir kúni «Abai.kz» aqparattyq portalynda «Aq jol» «Alashqa taǵzym» sherýin ótkizýdi usyndy» atty maqala jarııalandy.
Al 6 mamyr kúni ákimdik resmı jaýap berdi. Dálirek aıtsaq, ákim jaýap berýi tıis máselege ákimdiktiń áldebir departamentiniń eshkim bilmeıtin «zamestıteli» jaýap berdi. Onysy taǵy jaýap deýge kelmeıtin, qyp-qyzyl ótirik. Ol týraly «Abai.kz» portalynda jarııalanǵan «Sultanov «Alashqa taǵzym» jasaýshylardy jaýapqa tartpaq pa?» atty maqalada egjeı-tegjeıli baıandalǵan.
Osydan keıin 9 mamyr kúni Táýelsiz Qazaqstannyń Astanasynda qylyshynan qan tamǵan keńestiń qandy jalaýyn jelbiretip, qazaqqa qarsy qanqasap jasaǵan Iosıf Stalınniń portretterin qudaıyndaı tóbelerine kótergender alaýlatyp-jalaýlatyp sherý ótkizdi. Astanada 25 myń adam qatysty. Sherýshilerdiń sany Respýblıka boıynsha 160 myńnan asyp jyǵylady. Shirigen júıeniń sherýi týraly«Abai.kz» portalynda «Qazaqstan «ulyderjavalyq shovınızm shoýynyń» sahnasyna aınaldy»atty maqala jarııalandy.
Sonymen, Kremldiń ıdeologııalyq propogandasynyń quralyna aınalǵan «Bessmertnyı polk» sherýin ótkizýge ruqsat bergen Baqyt Sultanov «Alashqa taǵzym jasaýshylarǵa» tosqaýyl qoımaq. Bul úshin taǵy Baqyt myrzany jazǵyra almaımyz. Ol buıryqty oryndaýshy ǵana. Minezi, ambıııasy joq, tapsyrmany oryndaýshy – kádimgi robot. Óıtpese, «Alashqa taǵzym» sherýine ruqsat berer edi ǵoı... Já, osy jerden qaıyraıyq...
Al 31 mamyr kúni árbir qazaqstandyq, árbir qazaq Alash arystarynyń rýhyna, saıası qýǵyn-súrgin men ashtyq qurbandarynyń rýhyna taǵzym jasaýǵa mindetti ám quqyly! Ol úshin Sultanov ta, basqasy da bizdi jaýapqa tarta almaıdy!
Nurgeldi Ábdiǵanıuly
Abai.kz
