Euraziialyq bank Qazaqstandyq Tūrǧyn Üi Kompaniiasymen bırlesıp Digital Bridge 2023 halyqaralyq forumy şeŋberınde ülestık qūrylys salasyndaǧy jaŋa sifrlyq jobany ūsyndy.
Jobanyŋ mänı — qūrylys saluşylarǧa Euraziialyq bankte onlain rejimde aqşa qarajatyn maqsatsyz paidalanudan qorǧauǧa kepıldık beretın mamandandyrylǧan şottar aşuǧa mümkındık beru bolyp tabylady.
Osy bastamanyŋ barysynda tölem negızderın tekseruge mümkındık beretın funksional äzırlendı. Ol sondai-aq qadaǧalau organdaryna qūrylys jūmystarynyŋ oryndalǧanyn rastaityn qūjattarǧa qol qoiuǧa mümkındık beredı.
Būdan basqa, Euraziialyq bank pen Qazaqstandyq Tūrǧyn Üi Kompaniiasynyŋ jobasy naqty uaqyt rejimınde tūrǧyn üi qūrylysynyŋ ärbır kezeŋıne monitoring jürgızuge jäne boljamdy taldaudyŋ arqasynda qūrylys josparyn kez kelgen auytqulardy anyqtauǧa mümkındık beredı.
Euraziialyq banktıŋ basqarma töraiymy Läzzat Satieva jasandy intellekt pen jaŋa tehnologiialardyŋ ülestık qūrylysty baqylauǧa qalai äser etetının tüsındırdı.
«Jasandy intellekttıŋ rölın asyra baǧalau qiyn, öitkenı būl şeksız şeşımder bere alatyn tehnologiia. Bızdıŋ joba üşın būl tehnologiia şottardan qarajattyŋ tüsuı men jūmsaluyn taldauǧa jäne dūrys qorytyndy jasauǧa, säikesınşe qūrylys barysy jäne jyljymaityn mülıktı pailadanuǧa beru merzımı turaly dūrys aqparat beruge mümkındık beredı. Menıŋ oiymşa, Qazaqstandyq Tūrǧyn Üi Kompaniiasymen bırlesıp äzırlengen sifrlyq şeşım — üleskerlerge öz jyljymaityn mülıkterınıŋ qūrylysynyŋ aiaqtaluyn senımdı türde kütuge, al memleketke — monitoring jasau üşın taptyrmas qūral bolady», – dedı ol.
Qazaqstandyq Tūrǧyn Üi Kompaniiasynyŋ basqarma töraǧasynyŋ mındetın atqaruşy Altai Küzdıbaev atap ötkendei, qazaqstandyqtar öz qarajattaryn ülestık qūrylysqa investisialau kezınde belgılı bır täuekelderge ūşyraidy. Sifrlyq joba — būl täuekelderdı azaitady.
«Negızgı täuekelderdıŋ bırı — qūrylys saluşynyŋ üleskerlerdıŋ jinaqtalǧan qarajatyn maqsatsyz paidalanuy. Sondyqtan būl şeşım eŋ aldymen üleskerlerdıŋ qarajatynyŋ saqtaluyn jäne maqsatty paidalanyluyn qamtamasyz etuge mümkındık beredı», – dep tüiındedı Altai Küzdıbaev.
Būl rette, sifrlyq joba — qūrylys-montajdau jūmystarynyŋ, nysandy paidalanuǧa berudıŋ merzımderın özgertu boiynşa boljamdy taldaudy qalyptastyra alady, sondai-aq qajettı qūjattarǧa qol jetkızudı qamtamasyz etedı.
Osylaişa, Euraziialyq bank pen Qazaqstandyq Tūrǧyn Üi Kompaniiasynyŋ sifrlyq şeşımı ülestık qūrylysqa qatysuşylar üşın äleuettı täuekelderdı azaita otyryp, Qazaqstandaǧy ülestık qūrylystyŋ aşyqtyǧyn arttyruǧa yqpal etedı.
№ 1.2.68/242/40 lisenziia 2020 jylǧy 3-aqpanynda QR Qarjy naryǧyn retteu jäne damytu agenttıgımen berılgen.
QR qarjy naryǧyn retteu jäne damytu agenttıgı bergen 2020 jylǧy 3 aqpandaǧy № 1.2.68/242/40 lisenziiasy
