20 mamyrda Ýkraına parlamentinde Vladımır Zelenskıı halyqqa adal qyzmet etýge ant etip, el prezıdenti qyzmetine kiristi. Ulyqtaý rásiminde sóılegen Zelenskıı joǵarǵy radany (parlament) taratatynyn aıtty.
Inaýgýraııadan soń sóılegen Zelenskıı Ýkraınadaǵy áleýmettik máselerge toqtaldy. Ol "Úkimet bizdiń máseleni sheshpeıdi. Úkimettiń ózi - bizdiń máselemiz" degen ıtatany keltirip, "Parlamentte keleshek urpaqtyń qamyn oılaıtyndar ǵana otyrýy kerek" dedi.
Jańa perzıdent parlamentten depýtattardyń tıispeýshilik mártebesin alyp tastaýdy, Ýkraına qaýipsizdik qyzmetiniń basshysyn, qorǵanys mınıstri men bas prokýrordy qyzmetinen ketirýdi surady. Zelenskıı depýtattarǵa "Bul úshin sizderge eki aı beriledi" dedi.
Ol Ýkraınanyń Eýropaǵa bet buratynyn aıtty. "Eń basty maqsatym - Donbasstaǵy daýǵa núkte qoıý" dedi Zelenskıı.
- Birigýimiz kerek. Sol kezde myqty bolamyz. Álemdegi barlyq ýkraınalyqqa aıtarym - biz 65 mıllıonbyz. Sizder bizge kereksizder, myqty da qýatty Ýkraına qurýǵa árbirińiz qajetsizder. Sizderge Ýkraına azamattyǵyn berýdi ýáde etemin. Bul - bizdiń ulttyq ıdeıamyz, - dedi prezıdent.
Zelenskıı depýtattarǵa qarata "Kabınetterińizge meniń sýretimdi ilmeńizder. Prezıdent - minájat etetin nárse emes. Balalaryńyzdyń sýretin qoıyńyzdar. Qandaı da bir sheshim qabyldamas buryn solardyń kózine qarańyzdar" dedi.
Prezıdentti ulyqtaý rásimi tańǵy 10.00-de (Nur-Sultan ýaqytymen 13.00-de) bastaldy. Inaýgýraııa óterden birer kún buryn parlamenttik koalıııany tarap ketkeni belgili boldy. Bul Zelenskııdiń joǵarǵy radany taratyp, kezekten tys parlament saılaýyn ótkizý josparyna kedergi keltirýi múmkin.
Qaraı otyryńyz: Zelenskııdi ulyqtaý rásimi
Ulyqtaý rásimine Latvııa, Lıtva, Estonııa, Grýzııa men Vengrııa prezıdentteri, Chehııa senatynyń, Ázerbaıjan parlamentiniń basshylary, Belarýs pen Armenııanyń premer-mınıstrleri, AQSh energetıka mınıstri, Grýzııa, Moldova, Polsha, Slovakııa men jalpy alǵanda elýden asa eldiń ókilderi keldi. Budan bólek syrttaı sottalǵan Vıktor Ianýkovıchti eseptemegende Ýkraınanyń barlyq eks-prezıdenti rada zalynda otyrdy.
Qazaqstan atynan ınaýgýraııaǵa parlament senaty tóraǵasynyń orynbasary Bektas Beknazarov bardy.
Ýkraınada prezıdent saılaýynyń ekinshi kezeńi 21 sáýirde ótti. Jańa memleket basshysy retinde akter, shoýmen Vladımır Zelenskıı saılanǵan. Qarsylasy Poroshenko jeńilgenin moıyndaǵanymen, keler saılaýǵa qatysatynyn málimdedi.
"Azattyq" radıosy
