Shyǵys Qazaqstan oblysynyń Rıdder qalasynda Reseı revolıýıoneri Sergeı Kırovtiń eskertkishin qalpyna keltirý týraly sheshim qabyldandy, dep habarlaıdy «Adyrna» tilshisi YK-news.kz-ke silteme jasap.
«Sáýir aıynda qala bıligi Kırov eskertkishiniń tuǵyrynyń buzylýyna baılanysty ony alyp tastaý múmkin ekenin aıtqan edi. Endi eskertkishti qalpyna keltirý týraly sheshim qabyldaǵany belgili boldy.
Eskertkish uzaq jyldar boıy eshkimge kerek bolmady. Ol qala ortalyǵynda ornalasqanymen, birte-birte reńi kete bastady. Bastamashyl top qaladaǵy tıisti organdarǵa hat jazyp, tozyǵy jetken eskertkishti óz qarajatyna jóndeıtindikterin aıtqan. Jazda jumys bastalyp, Kırov músini boıaýǵa daıyndaldy. Biraq kenetten bári toqtap qaldy. Kúni keshe eriktiler jumystyń qaıta jalǵasatynyn, kelesi aptanyń sońyna deıin Sergeı Mıronovıchtiń músini qaıta boıalatynyn jetkizdi. 10 qarashaǵa deıin qıraǵan tuǵyr qalpyna keltiriledi»,— dep jazdy basylym.
Sergeı Kırov — Reseı revolıýıoneri, keńes memlekettik jáne saıası qaıratkeri. Ol 1934 jyldyń 1 jeltoqsanynda qastandyq jasaý nátıjesinde mert boldy. Kırovtiń ólimi «Úlken terror» atymen tanylǵan jappaı repressııanyń bastalýyna túrtki boldy.
Eske salaıyq, buǵan deıin Shyǵys Qazaqstan oblysynda Vladımır Lenınniń eskertkishin qalpyna keltirýge qarsy petıııa paıda bolǵan edi. Bul músin 15 tamyzda Altaı qalasynyń ortalyq alańdaǵy jóndeý jumystary kezinde abaısyzda qulap ketken bolatyn. Merdiger kompanııa jumys barysynda «eskertkish ózdiginen qulaǵanyn» aıtty. Keıin Qaznette kýágerlerdiń beınejazbasy paıda bolyp, onda júk kótergish tehnıkanyń aıbaısyzda músinge qalaı tıip ketkeni kórsetildi. Atalǵan fakti boıynsha QR Qylmystyq kodeksiniń 203-babynyń 1-bóligi (erekshe qundy zattardy qasaqana joıý, alý nemese búldirý) boıynsha qylmystyq is qozǵaldy.
