Şyǧys Qazaqstan oblysynyŋ Ridder qalasynda Resei revoliusionerı Sergei Kirovtıŋ eskertkışın qalpyna keltıru turaly şeşım qabyldandy, dep habarlaidy «Adyrna» tılşısı YK-news.kz-ke sılteme jasap.
«Säuır aiynda qala bilıgı Kirov eskertkışınıŋ tūǧyrynyŋ būzyluyna bailanysty ony alyp tastau mümkın ekenın aitqan edı. Endı eskertkıştı qalpyna keltıru turaly şeşım qabyldaǧany belgılı boldy. Eskertkış ūzaq jyldar boiy eşkımge kerek bolmady. Ol qala ortalyǧynda ornalasqanymen, bırte-bırte reŋı kete bastady. Bastamaşyl top qaladaǧy tiıstı organdarǧa hat jazyp, tozyǧy jetken eskertkıştı öz qarajatyna jöndeitındıkterın aitqan. Jazda jūmys bastalyp, Kirov müsını boiauǧa daiyndaldy. Bıraq kenetten bärı toqtap qaldy. Künı keşe erıktıler jūmystyŋ qaita jalǧasatynyn, kelesı aptanyŋ soŋyna deiın Sergei Mironovichtıŋ müsını qaita boialatynyn jetkızdı. 10 qaraşaǧa deiın qiraǧan tūǧyr qalpyna keltırıledı»,— dep jazdy basylym.Sergei Kirov — Resei revoliusionerı, keŋes memlekettık jäne saiasi qairatkerı. Ol 1934 jyldyŋ 1 jeltoqsanynda qastandyq jasau nätijesınde mert boldy. Kirovtıŋ ölımı «Ülken terror» atymen tanylǧan jappai repressiianyŋ bastaluyna türtkı boldy. Eske salaiyq, būǧan deiın Şyǧys Qazaqstan oblysynda Vladimir Leninnıŋ eskertkışın qalpyna keltıruge qarsy petisiia paida bolǧan edı. Būl müsın 15 tamyzda Altai qalasynyŋ ortalyq alaŋdaǧy jöndeu jūmystary kezınde abaisyzda qūlap ketken bolatyn. Merdıger kompaniia jūmys barysynda «eskertkış özdıgınen qūlaǧanyn» aitty. Keiın Qaznette kuägerlerdıŋ beinejazbasy paida bolyp, onda jük kötergış tehnikanyŋ aibaisyzda müsınge qalai tiıp ketkenı körsetıldı. Atalǧan faktı boiynşa QR Qylmystyq kodeksınıŋ 203-babynyŋ 1-bölıgı (erekşe qūndy zattardy qasaqana joiu, alu nemese büldıru) boiynşa qylmystyq ıs qozǧaldy.
Ūqsas jaŋalyqtar
