... 1947 jyldyń sáýirinde Ulybrıtanııa BUU-na Palestına saýalyna jaýap berýdi talap etedi. Arnaıy qurylǵan komıssııa Palestınany Arab-Evreı memleketi qylyp ekige bólemiz be, álde eki ultqa bir ortaq memleket quramyz ba degen suraqqa jaýap izdeıdi.
Birinshi nusqa evreılerge unaǵanymen, arabtar jer bergisi kelmedi. Al ol kezde álem AQSh jáne KSRO degen eki lagerge bólinip jatqan edi. AQSh-tyń kimderdi qoldaıtyny o bastan belgili.
KSRO júıesi sıonızmdi unatpaıtyn. Úlken keńestik enıklopedııada olar jaıynda jaǵymsyz pikir jazylǵan. Evreılerdi de repressııalap aıaýshylyq tanytpady.
Dese de 1947 jyldyń 14 mamyry BUU-nyń Bas assambleıasynda KSRO-nyń BUU-daǵy turaqty ókili Andreı Gromyko «evreıler soǵys jylynda az zulymdyq kórgen joq. Batys Eýropa elderinen ollarǵa eshkim qoldaý kórsetpedi. Endi mine evreıler jeke memleket qurǵysy keledi. Álbette, bul aqylǵa qonymdy» degen málimdeme jasaıdy.
Árıne, Gromykonyń bul sózderi Kreml qojaıyny Stalınnyń ustanymy ekeni aıtpasa da túsinikti.
Sonymen, 1947 jyldyń qarasha aıynda BUU Brıtanııanyń Palestınadaǵy mandatyn Arab jáne Evreı terrıtorııasyna bólý týraly rezolıýııa qabyldaıdy. Árıne, mundaı sheshimge kelispegen arabtar birinshi bas kóterip qolyna qarý alady. Sodan beri bul soǵys toqtaǵan joq.
Palestınadaǵy arab jerleriniń osy aralyqta qanshalyqty kishireıgen qaraı salyńyz. Alpaýyttar bul teketiresti tek óz múddeleri úshin ǵana paıdalanyp keledi. Bul soǵystyń basty qarýy ımıtaııa men manıpýlıaııa.
