Qazaqstandyq saıasattanýshy ári qytaıtanýshy Konstantın Syroejkın "memleketke opasyzdyq jasaý" baby boıynsha kúdikke ilinip, ustaldy. Bul aqparatty Qazaqstannyń ulttyq qaýipsizdik komıtetine (UQK) silteme jasaǵan jergilikti aqparat agenttikteri habarlady.
"UQK 2019 jyly 15 qańtarda 1956 jyly týǵan Qazaqstan Respýblıkasynyń azamaty Konstantın Syroejkınniń ústinen 175-bap, 1-bóligi boıynsha ("memleketke opasyzdyq jasaý") qylmystyq is qozǵady" delingen UQK habarlamasynda.
UQK-niń baspasóz qyzmetiniń habarlaýynsha, 62 jastaǵy saıasattanýshyny 19 aqpanda ustaǵan. Komıtet ókilderi budan basqa málimet aıtpaǵan.
Azattyq Konstantın Syroejkınniń isine baılanysty UQK-ǵa 6 mamyrda resmı saýal jiberdi. Ótinishte Azattyq tilshisi kúdiktiniń advokat qyzmetin paıdalaný quqyǵy jáne qamaý jaǵdaıy týraly suraǵan edi. 16 mamyrda komıtettiń baspasóz qyzmeti Azattyqqa redakııadan kelgen "hatty taba almaı otyrǵanyn" aıtty. 17 mamyrda hat qaıta jiberilip, UQK ony alǵanyn rastady.
Jergilikti BAQ-tyń jazýynsha, Almatyda týyp-ósken 62 jastaǵy Konstantın Syroejkın Qazaqstanda uzaq jyldar boıy qyzmet atqarǵan, elde Qytaı máseleleri boıynsha jetekshi sarapshylardyń biri. Orys, aǵylshyn jáne qytaı tilinde jaryq kórgen myńnan astam maqalanyń avtory. 2006 jyldan bastap Qazaqstan prezıdenti janyndaǵy Qazaqstandyq strategııalyq zertteýler ınstıtýtynyń bas ǵylymı qyzmetkeri bolǵan.
Syroejkındi aqpan aıynda qamaýy múmkin ekenin buǵan deıin Azattyq tilshisine Adam quqyǵyn qorǵaý jónindegi qazaqstandyq bıýronyń dırektory Evgenıı Jovtıs aıtqan. Onyń aıtýynsha, dál osy ýaqytta qytaıtanýshynyń áriptesterimen baılanysy úzilip qalǵan.
Jergilikti BAQ-tyń jazýynsha, ol aqpan aıynda ótken respýblıkadaǵy qytaıtaný boıynsha konferenııa kezinde baıandama jasaýy tıis bolǵan, biraq sharaǵa qatyspaǵan. Sáýir aıynda Qytaıdyń "Bir beldeý - bir jol" atty iri jobasyna arnalǵan Almatydaǵy iri sharaǵa da kelmegen.
"Azattyq" radıosy
