Aziia oiyndarynyŋ soŋǧy jarys künınde Qazaqstan komandasy sinhrondy jüzuden Aziadada "qolany" jeŋıp aldy, dep habarlaidy "Adyrna" tılşısı.
Tartysty bäseke 2023 jyldyŋ 23 qyrküiegınen bastap, 8 qazan aralyǧynda Qytaidyŋ Hanchjou qalasynda ötıp jatyr. Soŋǧy jarys künınde el qorjyny taǧy bır qola jüldemen tolyqty.
Sinhrondy jüzuden medal üşın qazaqstandyq komanda qūramy: Nargiza Bolatova, Äigerım Qūrmanǧalieva, Kseniia Makarova, Arina Miasnikova, Anna Pavlesova, Jaklin Iаkimova, Janiia Jienǧazy, Eteri Kakutiia kürestı.
Hanchjou qalasynda ötıp jatqan XIX Aziia oiyndarynda janküierler karateden baq synaityn sportşydan jülde kütıp otyr.
Karate sport türınen Qazaqstan qūramasynyŋ ökılı Möldır Jaŋbyrbai öner körsetedı.
15 künge sozylǧan dodanyŋ qorytyndysy boiynşa äzırge el qorjynynda 79 medal bar – 10 altyn, 21 kümıs jäne 48 qola. Medaldyq esepte memleketter arasynda Qazaqstan 11-şı orynda tūr.
Ūqsas jaŋalyqtar
