Qytaı Halyq Respýblıkasy memlekettik keńesiniń vıe-premeri Han Chjen Qazaqstan men Qytaıdyń iske asyrǵan sharalaryn atap berdi, dep habarlaıdy Sputnik Qazaqstan tilshisi.
"Qazaqstan – bizdiń kórshimiz ári strategııalyq áriptesimiz. Dál osy jerde Jibek jolynyń ekonomıkalyq beldeýine arnalǵan bastama kóterildi. Bizdi ekonomıkalyq múdde ǵana emes, ajyramas taǵdyr da jaqyndastyrady. Dostyǵymyzdyń nátıjesi de aıtarlyqtaı. Biz birinshi bolyp, shekara máselesin sheship, sol shekaranyń 1780 shaqyrymyn dostyqtyń dánekerine aınaldyrdyq", - dedi Chjen XII Astana ekonomıkalyq forýmynyń plenarlyq otyrysynda.
Onyń aıtýynsha, Qazaqstan men Qytaı birinshi bolyp munaı-gaz qubyrlaryn tartyp, energetıkalyq áriptestikti kúsheıtti. Eki memleket jan-jaqty yntymaqtastyqty jolǵa qoıdy. Ónidiris pen ınnovaııalar salasyndaǵy qarym-qatynastyń orny bólek.
"Búginde jalpy quny 27 mıllıard dollar 55 birlesken joba maquldandy. Budan bólek, biz birinshi bolyp Lıanıýngan sııaqty logıstıkalyq bazany iske qosyp, "Qorǵas" halyqaralyq yntamaqtastyq ortalyǵyn ashtyq. "Qorǵas – Shyǵys qaqpasy" arnaıy ekonomıkalyq aımaǵymyz bar. Osynyń bári tyǵyz qarym-qatynasty ornatýǵa múmkindik berdi. Bizdiń maqsatymyz birdeı, al ekonomıkalyq kózqarasymyz uqsas. Damý strategııalarymyz da birin-biri tolyqtyryp otyrady. Qytaı men Qazaqstannyń armanyn birge iske asyraıyq!", - dep atap kórsetti Chjen.
Qytaıdyń vıe-premeri Qazaqstannyń aqyldy qalalar bastamasyn iske asyrýǵa daıar ekenin jetkizdi. Budan bólek, kórshi memleket elektrondy saýda, ıfrlyq ekonomıka, ıfrlyq óndiris, bıologııalyq tehnologııalar jáne balamaly energııa kózderi boıynsha birlesip jumys isteýge ázir.
