Osy uaqytqa deiın ekı eldıŋ qolǧa alǧan jobalary barşylyq. Osynyŋ bärı tyǧyz qarym-qatynas ornatuǧa mümkındık berdı
Qytai Halyq Respublikasy memlekettık keŋesınıŋ vise-premerı Han Chjen Qazaqstan men Qytaidyŋ ıske asyrǧan şaralaryn atap berdı, dep habarlaidy Sputnik Qazaqstan tılşısı.
"Qazaqstan – bızdıŋ körşımız ärı strategiialyq ärıptesımız. Däl osy jerde Jıbek jolynyŋ ekonomikalyq beldeuıne arnalǧan bastama köterıldı. Bızdı ekonomikalyq müdde ǧana emes, ajyramas taǧdyr da jaqyndastyrady. Dostyǧymyzdyŋ nätijesı de aitarlyqtai. Bız bırınşı bolyp, şekara mäselesın şeşıp, sol şekaranyŋ 1780 şaqyrymyn dostyqtyŋ dänekerıne ainaldyrdyq", - dedı Chjen XII Astana ekonomikalyq forumynyŋ plenarlyq otyrysynda.
Onyŋ aituynşa, Qazaqstan men Qytai bırınşı bolyp mūnai-gaz qūbyrlaryn tartyp, energetikalyq ärıptestıktı küşeittı. Ekı memleket jan-jaqty yntymaqtastyqty jolǧa qoidy. Önıdırıs pen innovasiialar salasyndaǧy qarym-qatynastyŋ orny bölek. "Bügınde jalpy qūny 27 milliard dollar 55 bırlesken joba maqūldandy. Būdan bölek, bız bırınşı bolyp Lianiungan siiaqty logistikalyq bazany ıske qosyp, "Qorǧas" halyqaralyq yntamaqtastyq ortalyǧyn aştyq. "Qorǧas – Şyǧys qaqpasy" arnaiy ekonomikalyq aimaǧymyz bar. Osynyŋ bärı tyǧyz qarym-qatynasty ornatuǧa mümkındık berdı. Bızdıŋ maqsatymyz bırdei, al ekonomikalyq közqarasymyz ūqsas. Damu strategiialarymyz da bırın-bırı tolyqtyryp otyrady. Qytai men Qazaqstannyŋ armanyn bırge ıske asyraiyq!", - dep atap körsettı Chjen. Qytaidyŋ vise-premerı Qazaqstannyŋ aqyldy qalalar bastamasyn ıske asyruǧa daiar ekenın jetkızdı. Būdan bölek, körşı memleket elektrondy sauda, sifrlyq ekonomika, sifrlyq öndırıs, biologiialyq tehnologiialar jäne balamaly energiia közderı boiynşa bırlesıp jūmys ısteuge äzır.
