Mádenıet jáne aqparat mınıstri Aıda Balaeva dinı aǵymdardyń kúsheıgenin jáne din týraly zań qaıta qaralatynyn aıtty, dep habarlaıdy “Adyrna” ulttyq portaly.
Mınıstrdiń aıtýynsha, terrorızm jáne dinı ekstremızm qaǵıdalaryn qamtıtyn 14 860 materıal anyqtalǵan.
«Másele halyqtyń dindarlyǵynda emes, dinı saýatsyzdyǵynda. Árıne, búginde dástúrli aǵymdarmen qatar dástúrli emes dinı aǵymdardyń belsendi jumys istep jatqanyn kórip otyrmyz. Sondyqtan bul baǵytta mınıstrlik úsh baǵyt boıynsha jumys júrgizedi: táýlik boıy monıtorıng, ásirese áleýmettik jeliler men ınternet-basylymdarda destrýktıvti sıpattaǵy materıaldardy anyqtaý. 1 qańtar men qyrkúıek aıynyń sońyna deıingi kezeńde ınternette úgit-nasıhat, terrorızm jáne dinı ekstremızm qaǵıdalaryn qamtıtyn 14 860 materıal anyqtaldy.
Bul osyndaı dinı aǵymdardyń jumysynyń kúsheıgenin kórsetedi. Árıne, biz depýtattarymyzdyń ótinishterin muqııat tyńdap, zerdeleımiz. Árıne, bul baǵytta «Din týraly» zańnyń keıbir normalaryn qaıta qaraý boıynsha jumys isteımiz, - dedi Aıda Balaeva Ortalyq kommýnıkaııalar qyzmetindegi brıfıngte.
