Roza Lıýksembýrg qory Qazaqstandaǵy ókildigi«Strategııa-áleýmettik jáne saıası zertteýler ortalyǵy» birlese otyryp, «Qazirgi qazaqstandyq qaladaǵy ateıster men ateıstik nanymdardy qabyldaý: urpaqtar arasynda» atty zertteý eńbegin shyǵardy, dep habarlaıdy «Adyrna» ulttyq portaly.
Zertteý 6 qalada júrgizilgen. Bul qalalar qatarynda - Almaty, Shymkent, Aqtaý, Jańaózen, Qostanaı jáne Rýdnyı bar. Osy qalalar men oblystarda (Qostanaı jáne Mańǵystaý) sońǵy sanaq derekteri boıynsha ateısterdiń eń kóbi, sonymen birge óz dini týraly suraqqa jaýap berýden bas tartqandardyń joǵary úlesi tirkelgen.
Kitapty jazǵan avtorlar eń mańyzdysy – Konstıtýııada ózderin zaıyrly memleket ekenin kórsete otyryp, bul tujyrymdamany jedel túrde júzege asyrmaǵanyn, qoǵamdy buzýy múmkin kóp baǵytty qamtyǵanyn aıtady.
«Aıtpaqshy, táýelsiz Qazaqstandy qurýdaǵy negizgi eki baǵytty atap ótýge bolady: naryqtyq tetikter bárin ekonomıkalyq turǵydan jańǵyrtsa, din meıirim men adamgershilikti qalyptastyrady degen jańylys eki túsinik boldy. Meniń oıymsha, bul jumys istemeıtini anyq», - deıdi kitap avtorlary.
