Atyrau oblysynda Saraişyq qalaşyǧynda jürgızılgen arheologiialyq qazba jūmystary kezınde orta ǧasyrda salynǧan üilerdıŋ qabyrǧalary men basqa da qūndy jädıgerler tabyldy. Būl turaly AtyrauPress jariialady, dep habarlaidy “Adyrna” ūlttyq portaly.
Aqparat boiynşa, Atyrau oblystyq ölketanu muzeiınıŋ ǧylymi hatşysy Erlan Tılekqabylov qazba jūmystary 4 qyrküiekte bastalǧanyn aitty.
Arheologiialyq qazba jūmystary barysynda orta ǧasyrlyq üilerdıŋ qabyrǧalary, tandyr peş oryndary, qyş ydys türlerı, süiek būiymdar, orta ǧasyrlyq monetalar tabyldy. Bügıngı künge deiın 800 şarşy metrge juyq alaŋda qazba jūmystary jürgızılıp jatyr. Ekspedisiia qūramynda oblystyq ölketanu muzeiı qyzmetkerlerımen qatar, jūmyssyz retınde tırkelgen auyl tūrǧyndary da bar. Barlyǧy - 30 adam. Aldaǧy uaqytta olardyŋ qatary artady. Äzırge tabylǧan jädıgerlrge ǧylymi qorytyndy jasalǧan joq, - dedı E.Tılekqabylov.
