Astronomdar «Djeıms Ýebb» teleskopynyń kómegimen Iýpıterdiń serigi Eýropanyń qoınaýynan kómirtegi kózin tapty. Bul týraly AQSh ulttyq aeronavtıka jáne ǵarysh basqarmasy (NASA) aıtty, dep habarlaıdy «Adyrna» tilshisi.
Zertteýshiler kómirtegi meteorıtter nemese basqa syrtqy kózder arqyly emes, jer asty muhıtynda paıda bolýy múmkin degen qorytyndyǵa keldi.
«Jer betindegi tirshilik hımııalyq ártúrlilikti jaqsy kóredi. Ol neǵurlym kóp bolsa, soǵurlym jaqsy. Bizdiń ómirimiz kómirtegige negizdelgen. Eýropa muhıtynyń hımııasyn túsiný arqyly onyń ómir súrý úshin qolaıly oryn bolýy múmkin ekenin anyqtaı alamyz»,—dedi NASA-nyń Grınbelt, Merılend shtatyndaǵy Goddard ǵaryshtyq ushý ortalyǵynyń jetekshi mamany Geronımo Vıllanýeva.
Alaıda ǵalymdar kómirsýtekti tiri nárseler shyǵaryp jatyr ma, joq pa degen suraqqa naqty jaýap bere almaı otyr. Bul Eýropaǵa arnaıy mıssııa jiberilgen kezde anyqtalýy múmkin.
Aıta keteıik, NASA 2024 jyldyń qazan aıynda Eýropany birneshe ret aınalyp ótetin jáne osy spýtnıkte ómir súrý múmkin be degen suraqqa jaýap izdep, derekter jınaıtyn ǵarysh kemesin ushyrǵaly otyr.
