Musylmandarǵa qasıetti aıda qysym artqan
Kórshiles Qytaı elindegi musylmandarǵa kórsetilip jatqan qysymdar jaıly san márte aıtylyp ta, jazylyp ta júr. Jergilikti baspasóz basylymdarymen qatar, álemdik BAQ-tar da bul taqyryptarǵa birneshe maqalalaryn arqaý etti. Biraq odan Qytaıdaǵy musylmandardyń jaǵdaıy jaqsaryp ketti dep aıta almaımyz.
Birneshe jyl qatarynan Qytaı bıligi musylmandardyń dinı joralǵylaryn ustanýǵa kedergi jasap, túrli zańdarmen tyıym salýda. Osyǵan deıin meshitterdi buzyp, qasıetti Qurandy órtegen ortalyq bılik, mine bes jyl qatarynan Ramazan Aıynda qysymnyń nebir túrin arttyrýda. Olar musylmandar Oraza ustamaýy úshin túrli quıtyrqylyqqa barýda.
Atap aıtatyn bolsaq, olar Ramazan aıynda arnaıy jalpyǵa ortaq túski as ishýdi mindettegen. Túski as ishýden bas tartqan jan jaýapkershilikke tartylyp, tipti «tárbıeleý lagerlerine» de attandyrylmaq. Túski asqa sonymen qatar Islam dininde haram sanalatyn shoshqa eti qosylyp, sýsyn retinde alkogoldi ishimdikter qoıylmaq. Mundaı tájirıbe 2015 jyldan bastap júzege asýda. Bul aqparattardy Halyqaralyq dinı bostandyq jónindegi Komıssııa (USCIRF) ókilderi habarlady. Al Halyqaralyq Uıǵyr Kongressiniń músheleri, tańǵy ýaqytta «bılik úshin» degen uranmen bir stakan ishimdik ishý de birneshe jyl qatarynan júzege asýda ekenin habardar etti. «Atalmysh qysymdardyń barlyǵy musylmandardyń dinı bostandyǵyna kedergi keltirip, olardy túrli kúızelisterge tap qylýda. Mysaly jasyryn túrde Oraza ustaý men Quran oqý ádetke aınalǵan», — deıdi Kongress zerttteýshisi Akbar Ahlandı. Qysymdar ShUAR aımaǵynda asa qarqyndy túrde júrýde deıdi olar.
Búgin.kz
