Bügınde memleket ışındegı memleketke ainalǧan «Samūryq-Qazyna» qorynyŋ bas sūqpaǧan salasy qalmady. «Fond-biuro rassledovaniia korrupsii» Telegaram arnasy 2020 jyly qorǧa qaraityn «Samūryq-Energo» AQ-ǧa qarasty «Ereymentau Wind Power» JŞS qūny 26,1 mlrd teŋgenı qūraityn 50 MVt-tyq jel elektr stansalaryn salu üşın tender ötkızıp, nätijesınde jeŋımpaz dep tanylǧan «Olimp Trans Servis» serıktestıgı aqşanyŋ jartysynan köbın qaltaǧa basyp alyp, mındettmesın oryndamaǧanyn jazdy. Tolyǧyraq Dalanews.kz tarqatty.
Arnanyŋ habarlauynşa, būl bylyqty Astana qalasynyŋ ışkı audit departamentı anyqtap, serıktestık memlekettıŋ 15 mlrd teŋgesın talan-tarajǧa salyp, uäde etken jel elektr stansasyn salmaǧanyn jariia etken.
2020 jyly merdıgerge 10,5 mlrd teŋgenı qūraityn avanstyq tölemdı «Ereymentau Wind Power» JŞS-y tolyq kölemde tölegen.
Arada bırşama uaqyt ötkennen keiın atalǧan kompaniia jelden quat közın öndıretın 11 qondyrǧyna elge jetkızu üşın kelısım-şartta körsetılgen avanstyq tölemnıŋ az ekenın aityp, onyŋ mölşerın köbeitudı talap etken.
Būdan keiın tapsyrys beruşı merdıgerdıŋ kelısım-şartqa qaişy keletın talabyna nazar audarmastan, taǧy da 5,5 mlrd teŋge audarǧan. Merdıger qosymşa qarjy alsa da kelısım-şartta körsetılgen özınıŋ mındettemesın mülde oryndamaǧan.
Bügınde «Samūryq-Energoǧa» qaraityn «Ereymentau Wind Power» komaniiasy merdıgerdıŋ aitqanyna könıp, kelısım-şartta körsetılgen avanstyq tölem mäselesı özderı saqtamaǧan soŋ, jobany saqtandyruşy kompaniia olarǧa saqtandyru tölemın töleuden bas tartqan.
Telgaram arna memleket qarajytyn qaitaruǧa qatysty eşqandai jūmystar jürıp jatpaǧany mälım alǧa tartty.
Osylaişa «Samūryq-Energonyŋ» jasyl energetikany damytuǧa qatysty bır jobasy sätsızdıkke ūşyrap, bırde-bır jel elektr stansasy salynbady. Al būl jaǧdaidan keiın «Samūryq-Qazynanyŋ» elımızde Atom elektr stansasyn salauǧa qatysty bastamasyna halyq qalai qoldaidy. AES saluǧa bölıngen memleket qarjysy ūstaǧannyŋ qolynda, tıstegennıŋ auyzynda ketpeidı degenge kım senedı?
Osydai äreketter el azamattarynyŋ bilıkke degen senımın joǧaltatyny anyq. Al onyŋ oilap, bas qatyrǧan «Samūryq-Qazyna» qoryn baiqamadyq. Halyq aldyndaǧy senım, reputatsiia nūqsan kelse, ony qaitadan jöndep alatyn kölık emes ekenın qor basşy Nūrlan Jaqypov nege tüsınbeidı?!
Osy bır oqiǧadan «Samūryq-Qazynanyŋ» iegınıŋ astynda ne bolyp jatqanyn körmeitın, sezbeitın ebedeisız qūrylymǧa ainalǧanyn baiqauǧa bolady.
Qorda enşıles kompaniialarynyŋ nendei mäselemen ainalysyp jatqanyn qadaǧalaityn jüzdegen menedjer bar. Solar «Ereymentau Wind Power» JŞS-nyŋ kelısım-şarttaǧy aldyn ala tölem mäselesın būzuyna qalaişa jol berdı degen saual tuyndaidy.
Memlekettıŋ qarjysyn jelge şaşatyn mūndai tızbektelgen kompaniialardyŋ bızge qajetı qanşa? Osy jaittan keiın «Samūryq-Qazynany» tarqatyp, onyŋ qūzıretın ministrlıkterge bölıp beru kerek baiqaisyŋ.
Kelısım-şartqa sai Aqmola oblysynyŋ aumaǧynda salynuy tiıs jel elektr stansasy 2021 jyldyŋ 4 mausymynda, iaǧni, 17 aidyŋ ışınde qoldanysqa berıluı kerek edı. Bıraq jel elektr stansasynyŋ qara-qūrasy da joq.
Al «Samūryq-Qazyna» äl-auqat qory özınıŋ enşıles kompaniiasyna anyqtalǧan zaŋbūzuşylaqtardy joiyp, būl ıske qatysy bar tūlǧalardy anyqtaudy tapsyrǧan. Bolǧan-bıtkenı osy.
Mūny «Samūryq-Qazyna» mūny baiqamai qalypty deiık, al elımızde salynyp jatqan energetikalyq nysandardyŋ basty qadaǧalauşysy retınde belgılengen «Samūryq-Enero» AQ aspanǧa qarap, jūldyz sanaǧan ba? Sūraq köp jauap joq.
Ūqsas jaŋalyqtar
