Şymkenttıŋ būrynǧy äkımı Ǧabidolla Äbdırahymov Samruk-Kazyna Construction AQ basqarma töraǧasynyŋ paidalanu jönındegı orynbasary bolyp taǧaiyndaldy, dep habarlaidy "Adyrna".
Bıraz uaqyttan berı körınbei ketken äkım künı keşe Türkıstan oblysynda 1000 MVt quattylyqtaǧy bu-gaz elektr stansiiasyn salu mäselesı boiynşa jūmysqa qatysty kezdesude boi körsettı.
Is-şaradan fotosuretter men beineler ccgt_turkistan Instagram-paraqşaǧa jükteldı. Būl «Samūryq-Qazyna» AQ-ǧa enşıles «Turkestan CCGT» JŞS-nıŋ resmi paraqşasy. Jazbada «Samūryq-Qazyna Qūrylys» AQ basqarma töraǧasynyŋ operasiialar jönındegı orynbasary Ǧabidolla Äbdırahymov jäne kompaniia basşylyǧy qūrylys alaŋyna jūmys saparymen baryp, strategiialyq jobanyŋ barysyn qarap şyqqany aitylǧan. Alaida, kompaniianyŋ resmi saitynda jaŋa taǧaiyndalu turaly eşqandai aqparat joq.
Ǧabidolla Äbdırahymov memlekettık qyzmetke tört jylǧa juyq üzılısten keiın qaita oraldy. Onyŋ soŋǧy atqarǧan joǧary lauazymy 2021 jyldyŋ qaŋtar-qyrküiek ailary aralyǧyndaǧy mädeniet jäne sport vise-ministrı qyzmetı bolatyn.
Şeneunık būǧan deiın Şymkent qalasynyŋ äkımı retınde keŋınen tanyldy. Alaida 2019 jyly Londondaǧy Pikadilli köşesınde tüsırgen videosy qoǧamda ülken synǧa ie bolyp, artynşa ol «saiasi senım tausyldy» degen tūjyrymmen qyzmetınen bosatyldy. Sondai-aq Äbdırahymov Arystaǧy jarylystan keiın narazylyqqa şyqqan tūrǧyndarmen kezdesude er adamdardy «äielderıne ie boluǧa» şaqyryp, dauly mälımdeme jasaǧan bolatyn. 20 jyldan astam memlekettık qyzmet täjıribesı bar ol är jyldary Prezident äkımşılıgı men Ükımette türlı basşylyq lauazymdardy atqarǧan.
2023 jyldyŋ basynda Ǧabidolla Äbdırahymovtyŋ üstınen qylmystyq ıs qozǧalyp, tergeu materialdary Sybailas jemqorlyqqa qarsy ıs-qimyl agenttıgıne berılgenı mälım boldy. Būǧan deiın atalǧan ıstı Almaty qalalyq polisiia departamentı «alaiaqtyq» baby boiynşa tergegen.
