Qazaq kökparyna Fransiiada körme arnaldy. Fransuz derektı fotografy ejelgı köşpelı oiyn turaly baiandaityn bırqatar jūmystardy ūsyndy, dep habarlaidy "Adyrna" tılşısı "Habar 24"-ke sılteme jasai otyryp.
Gabriel Goffr esımdı fotograf ötken jyldyŋ soŋynda Qazaqstanda bolǧan. Ol elge arnaiy kökpar sportyn körıp, tüsıru üşın arnaiy kelgenın aitady.
Fransuz fotografy tüsırılım üşın Şymkent maŋyndaǧy auyldardyŋ bırıne baryp, äuesqoi oiynnyŋ kuäsı bolǧan.
Älemnıŋ bırneşe elınde bolǧan azamat Qazaqstanǧa jasaǧan saiahatynan ülken äser alǧanyn aitady.
Arnaǧa bergen sūhbatynda ol jaqyn arada şyǧarmaşylyq jobanyŋ aiasynda Qazaqstanǧa saiahattau josparymen de bölısken.
Gabriel Goffr, derektı fotograf:
"Būl köbınese Qazaqstandy körsetu üşın jasaldy. Fransiiada şyn mänınde kökpardyŋ ne ekenın bıletın adamdar az. Jaman da, jaqsy da suret joq... Men qazaqtardyŋ maqtan tūtatyn oiynyn jäne menı taŋ qaldyratyn närsenı ūsynǧym keldı",- dep bölısedı ol.
Ūqsas jaŋalyqtar
