Qazaqstannyń Ortalyq saılaý komıssııasyna qujat tapsyryp, memlekettik til emtıhanynan ótken jeti adamnyń esim-soıy belgili. Endi ol azamattar qol jınaý naýqanyna kirisip ketken. Búgin sol jetilik týraly jazbaqpyz...
OSK-ǵa qujat tapsyrǵan 9 adam:
Qasym-Jomart Toqaev;
Danııa Espaeva;
Jambyl Ahmetbekov;
Tóleýtaı Rahymbekov;
Ámirjan Qosanov;
Amangeldi Taspıhov;
Sádibek Túgel;
Jumataı Álıev;
Talǵat Erǵalıev.
Erǵalıev óz erkimen bas tartty
Ortalyq saılaý komıssııasyna qujat tapsyrǵan toǵyzynshy adam – kásipker Talǵat Erǵalıev edi. Talǵat Erǵalıev «Aq jol» partııasynyń ókili. Partııa sezinde ishki daýys berý kezinde Danııa Espaevaden az daýys jınap, úmitker atana almaǵan. Keıin ol «Qazaqstan qurylysshylar odaǵy» respýblıkalyq birlestiginiń atynan qujat tapsyrǵan. Partııa tóraǵasy Azat Perýashevtiń keńesimen, ol partııanyń birińǵaı tańdalǵan kandıdaty Danııa Espaevany qoldaý úshin óz ótinishin qaıtaryp aldy.
Álıev qazaq tilin jetik bilmeıtin bolyp shyqty
Al Jumataı Álıev memlekettik tildi erkin meńgermegenń sebepti lıngvıstıkalyq komıssııa emtıhanynan ótpeı qaldy. Lıngvıstıkalyq komıssııa qorytyndysyna sáıkes, OSK Jumataı Álıevti prezıdenttikke úmitker retinde tirkeýden bas tartty.
Jarys jolyndaǵy jeteýdiń jas kategorııasy:
Qasym-Jomart Toqaev – 65 jasta;
Sádibek Túgel – 64 jasta;
Amangeldi Taspıhov – 60 jasta;
Danııa Espaeva – 58 jasta;
Jambyl Ahmetbekov – 58 jasta;
Tóleýtaı Rahymbekov – 55 jasta;
Ámirjan Qosanov – 54 jasta.
Prezıdenttikke úmitker retinde OSK-ǵa qujat tapsyrǵan segiz adamnyń ishinde 40-50 jas aralyǵyndaǵy birde-bir adam joq. Potenıaldy kandıdattardyń ishinde salystyrmaly túrde eń jasy – Ámirjan Qosanov eken.
Til emtıhany
Memlekettik tildi erkin meńgergendigin anyqtaý úshin Ortalyq saılaý komıssııasy janynan qurylǵan lıngvıstıkalyq komıssııa OSK-ǵa qujat tapsyrǵan 8 adanyń barlyǵynan memlekettik til emtıhanyn qabyldady. Emtıhan nátıjesinde:
7 úmitker memlekettik tildi, qazaq tilin erkin meńgergen degen qortytyndy jasaldy. Al OSK-ǵa sońǵy bolyp qujat ótkizgen Jumataı Álıev 13 sóılemnen 19 qate jiberip, til emtıhanynan ótpeı qaldy. Al qalǵan jeti úmitkerdiń ishinde jalǵyz Sádibek Túgel jazbasha jumys kezinde azdaǵan pýnktýaııalyq qatelikter jibergen. Lıngvıstıkalyq komıssııa qorytyndysy boıynsha, ári qaraı jeti adam prezıdenttik dodaǵa qatysa alady.
Endi osy qalǵan jeti úmitker men olardy usynǵan uıymdar týraly az-kem aqpar bere ketkendi jón kórdik...
Qasym-Jomart Toqaev. Toqaevtyń kandıdatýrasyn «Nur Otan» partııasynyń sezinde partııa tóraǵasy usyndy.
Toqaev bıliktegi bas partııanyń tóraǵasy basshy bolýǵa laıyq dep tanyǵan adam. Toqaevtyń da úlken saıasatta júrgenine otyz jyldan asty. Jańa kadr, jańa adam dep aıta almaısyz.
Toqaev – burynǵy KSRO deıtin qurama eldiń Syrtqy ister mınıstrliginiń burynǵy qyzmetkeri. Ol – Qazaqstannyń burynǵy Syrtqy ister mınıstri. Ol – Qazaqstannyń burynǵy premer-mınıstri. Ol – Qazaqstan Senatynyń burynǵy tóraǵasy. Ol – BUU Bas hatshysynyń burynǵy orynbasary.
Danııa Espaeva. «Aq jol» partııasy sez ótkizip, óz ishinde daýys berý arqyly 6 úmitkerdiń ishinen Danııa Espaevanyń kandıdatýrasyn anyqtady.
Danııa Espaeva Táýelsizdik tarıhynda Qazaqstan prezıdenttigine úmitker tuńǵysh áıel adam. Espaeva – burynǵy bank qyzmetkeri. Burynǵy «BTA Banktiń» burynǵy bas mamany. Burynǵy máslıhat depýtaty. Bank salasynda 30 jyldan astam ýaqyt qyzmet etken.
Jambyl Ahmetbekov. Ahmetbekovtiń kandıdatýrasyn «Kommýnıster» partııasy sezi usyndy. Sezge qatysýshy delegattar ony biraýyzdan qoldady.
Jambyl Ahmetbekov prezıdenttikke ekinshi ret túskeli otyr. Ol – buryn mádenıet basqarmasyn, sosyn sport-týrızm basqarmasyn basqarǵan. Ol – buryn Qorǵaljyń aýdanynda birqatar qyzmetterdi atqarǵan. Ol – burynǵy saılaýdyń burynǵy úmitkeri boldy. Ol – buryn Nursultan Nazarbaevqa jeńilgen.
Tóleýtaı Raqymbekov. Burynǵy ASh vıe-mınıstri Raqymbekovti «Aýyl» partııasy usynǵan. Astanada ótken sezde onyń kandıdatýrasy biraýyzdan maquldandy.
Tóleýtaı Rahymbekov – burynǵy bıznesmen. Sátbaev qalasy ákiminiń, Qaraǵandy oblysy ákiminiń burynǵy orynbasary. Aýylsharýashylyǵy mınıstrliginiń burynǵy departament basshysy. Atalǵan mınıstrliktiń burynǵy vıe-mınıstri.
Ámirjan Qosanov. Qosanovtyń kandıdatýrasyn «Ult taǵdyry» respýblıkalyq qozǵalysy usyndy. Almatyda ótken quryltaıda Qosanovtyń kandıdatýrasy basym daýyspen tańdalǵan. Quryltaıǵa qatysýshy jalǵyz adam Qosanovqa qarsy daýys berdi.
Ámirjan Qosanov – burynǵy jýrnalıst. Ol – Jastar isi jónindegi memlekettik komıtettiń burynǵy basshysy. Ol – burynǵy premerdiń burynǵy orynbasary. Bul premer-mınıstrdiń jáne Úkimettiń burynǵy baspasóz hatshysy. Ol – JSDP-nyń burynǵy basshylarynyń biri.
Amangeldi Taspıhov. QR Kásipodaqtar federaııasy Amangeldi Taspıhovty jáne eks-depýtat Muhtar Tinikeevti usynǵan. Tinikeev memlekettik tildi jetik meńgermegenin alǵa tartyp, óz erkimen bas tartty. Sóıtip federaııa Taspıhovty qoldaǵan.
Amangeldi Taspıhov burynǵy óndiris salasynyń qyzmetkeri. QR Saýda jáne ındýstrııa mınıstrliginiń burynǵy qyzmetkeri. Burynǵy Senat depýtaty. Burynǵy Májilis depýtaty.
Sádibek Túgel. Sádibek túgel OSK-ǵa qujat tapsyrǵan alǵashqy úmitker. Onyń kandıdatýrasyn «Uly Dala Qyrandary» respýblıkalyq birlestigi usynǵan.
Sádibek Túgel burynǵy jýrnalıst. Aqmolada oblys ákiminiń baspasóz hatshysy bolǵan. Buryn «Meniń Qazaqstanym» qozǵalysyn basqarǵan.
OSK resmı tirkegen kandıdattar:
Qasym-Jomart Toqaev OSK tirkegen eń birinshi úmitker. Ol memlekettik til emtıhanyn tapsyryp, komıssııanyń joǵarǵy baǵasyn alǵan.
Ol Qazaqstannyń 17 óńirinen 315 910 azamattyń qolyn jınaǵan. Olardyń 313 653-i durys dep tanyldy.
3 mamyr kúni OSK Sádibek Túgeldi resmı túrde tirkedi. Ol memlekettik til emtıhanynyń jazbasha jumysynda pýnktýaııalyq qatelikter jibergen.
Sádibek Túgel Qazaqstannyń 15 óńirinen 122 102 azamattyń qolyn jınaǵan. Olardyń 120 175-i durys dep tanylǵan.
OSK 4 mamyr kúni Amangeldi Taspıhovty tirkedi. Ol memlekettik til emtıhanyn jaqsy tapsyrǵan.
Taspıhov Qazaqstannyń 15 óńirinen 122 770 azamattyń qolyn jınaǵan. Olardyń 119 577-i ras dep tanylǵan. Aıtpaqshy, Amangeldi Taspıhov Almaty men Shymkent qalalarynan qol jınamaǵan.
OSK resmı túrde tirkegen tórtinshi kandıdat – Danııa Espaeva. Danııa Espaeva osyǵan deıin lıngvıstıkalyq komıssııanyń joǵary baǵasyn alǵan.
Espaeva Qazaqstannyń 17 óńirinen 144 098 azamattyń qolyn jınaǵan. Olardyń 139 541-i ras dep tanylǵan.
Aıta keteıik, osyǵan deıin prezıdenttikke úmitker Ámirjan Qosanovtyń shtaby elektorattyń 1 paıyz daýysyn jınaǵanyn, qoldaýshylardyń jınaǵan qolynyń sany 100 myńnan asqanyn habarlaǵan.
«Adyrna» ulttyq portaly
