Deputat Amanjol Ältai jat aǧymdardyŋ jetegınde ketken keibır Qazaqstan azamattary jūrtty adastyratyn terıs pıkırler taratyp, ūlttyq qūndylyqtarymyz jaily qate oi bıldırıp jatqanyn atap öttı, dep jazady "Adyrna" ūlttyq portaly.
Ol Mäjılıs otyrysynda atalǧan pıkır ielerıne qatysty şara qoldanudy talap ettı.
"Äsırese, dıni jat aǧymdardyŋ jetegınde ketken keibır Qazaqstan azamattary jūrtty adastyratyn terıs pıkırler taratuda. Būǧan äleumettık jelıde jeldei esıp jürgen "Dombyra – haram" degen sekıldı adam şoşytar alyp-qaşpa sözder dälel. Dombyra – tatulyq pen bırlıktıŋ mämılegerı. Ata tarihymyzdaǧy nebır alasapyran zamandarda ūltty ūiystyruǧa, eldı bırıktıruge, erlerdı el qorǧauǧa şaqyruǧa zor röl atqarǧan", dedı Ältai mäjılıstıŋ bügıngı otyrysynda.
Deputat ata-babalarymyz bılegınen äl ketıp, özegı talyp, aqtyq demı şyqqanşa qolynan dombyrasyn tastamaǧanyn qosa kettı:
"Endeşe, dombyraǧa tiısu – ūltqa tıl tigızu, töltuma mädenietımızdı qorlau, ötken tarihymyz ben bügınımızge köleŋke tüsıru dep qabyldaimyz. Konstitusiiamyzdyŋ 14-babynda naqty körsetılgendei, qazaq halqynyŋ ūlttyq qūndylyǧy men erekşelıgıne tıl tigızuge eşkımnıŋ de qūqy joq", - dep atap öttı deputat.
Osy oraida Ältai bırqatar şarany atqaru qajettıgın talap ettı. Olar:
Bılım beretın orta mektepterde än-küi sabaǧynda dombyra aspabyn üiretu oqu baǧdarlamasyna engızu;
Būqaralyq aqparat qūraldarynda, radio jäne telearnalarda dombyra aspabynyŋ qūndylyǧyn aşatyn än-küi, jyr-terme, aitys önerlerın köbırek nasihattau;
Dın ısterı jönındegı basqarma terıs aǧym jetegınde ketken adamdarmen jūmys jürgızudı küşeituge tiıs, dedı ol.
Ūqsas jaŋalyqtar
