Teatrda qolóner týyndylarynyń jármeńkesi uıymdastyryldy.
Almatyda qala kúni qarsańynda jyrshy-termeshilerdiń festıvali ótti. Respýblıkalyq festıvalge elimizdiń ózge óńirinen kelgen óner ıeleri qatysty.
«Bul án burynǵy ánnen ózgerek». Alataý dástúrli óner teatrynda ónerpazdar qulaqtyń quryshyn qandyryp, delebeni qozdyratyn, babadan jetken jyrlardy shyrqap, tereńge baýlıtyn termelerdi oryndady.
– Biz úshin jyr-termeniń el ishinde keńinen nasıhattalýy, jurttyń jadynda saqtalýy jáne keleshek urpaqqa jetýi mańyzdy. Bul – qazaqqa ǵana tán óner emes, jalpy túrki halqyna ortaq, álem moıyndaǵan mura, – dedi jyrshy, Qazaqstannyń eńbek sińirgen qaıratkeri Uljan Baıbosynova.
Ulttyq qundylyqty dáriptegen keshte Syr eli men Jetisýdan, Batys pen elordadan kelgen myqtylar da óner kórsetti. Bári – shetinen sheber, tyńdarmannyń kóńilin dóp basqan shaıyr aqyndar.
– Is-shara qala kúnine oraı uıymdastyrylyp jatyr. Kesh urpaq sabaqtastyǵymen erekshelenip otyr. Sahnada aǵalarmen birge jas jyrshylar da óner kórsetip jatyr, – dedi jyrshy, ánshi Shattyq Ýatqan.
Keshke kelgen kórermen de kóp. Sondaı-aq teatrda jármeńke uıymdastyryldy. Kelýshiler qolóner týyndylarymen tanysty.
Aqparat: «Almaty» telearnasy
