«Ámire» fılmi júlde utyp aldy
«Ámire» kórkem fılmi AQSh-ta ótken Richmond International Film &
Music Festival kınofestıvalinde eki birdeı júldege ıe boldy. «Úzdik oqıǵaly
fılm» jáne fılmde basty róldi somdaǵan Sanjar Mádı «Úzdik akter»
atandy. Atalǵan kartına QR Mádenıet jáne sport mınıstrliginiń
tapsyrysymen «Qazaqfılm» kınostýdııasy men «DAR Play» kompanııasy
birigip túsirgen bolatyn.
Kınotýyndy qazaqtyń tenor daýysty birtýar ánshici Ámire
Qashaýbaevtyń qamshynyń sabyndaı qysqa ǵumyryn baıandaıdy. 1925 jyly
Parıjde ótken mýzykalyq baıqaýda qazaqtyń áni men dombyrasyn álemge
tanytqan 36 jasar Ámire kórermendi tańǵaldyrǵan bolatyn. Fılmde sol
Parıj sapary kórsetiledi. Sondaı-aq Ámire Qashaýbaevtyń tanymal
amerıkalyq djaz kompozıtory Jorj Gershvınmen dostyǵy da kórinis tabady.
Richmond International Film & Music Festival – AQSh-ta ótetin aýqymdy
halyqaralyq kınofestıval. Vırjınııa shtatyndaǵy Rıchmond qalasyna úzdik
zamanaýı fılmderdi jyl saıyn alyp keletin kınoforým. Byltyr «Ámire»
fılmi birneshe júldelerge qol jetkizgen. Atap aıtar bolsaq: Hollywood Film
Festival kınofestıvalinde “Best Global Hollywood Film” júldesi, sonymen qatar,
Panasonic kompanııasy atynan arnaıy syılyq, jáne Grýzııada ótken Golden Eye
Halyqaralyq kıno jáne teleoperatorlar festıvalinde arnaıy júldemen
marapattalǵan.
Elenora Ámir
